تاۋەلسىزدىككە يە بولعان جيىرما جەتى جىل ىشىندە رەسپۋبليكا پرەزيدەنتىنىڭ جەتەكشىلىگىمەن اۋقىمدى ەكونوميكالىق، ساياسي جانە الەۋمەتتىك رەفورمالار جۇزەگە اسىرىلدى.

ەلباسى حالىقتى وراسان زور ىستەرگە جۇمىلدىردى، قوعامداعى تاتۋلىق پەن كەلىسىمدى نىعايتۋ ىسىندە الەم الارلىق ساياسات ۇستاندى. ەلىمىزدىڭ سىرتقى ساياسي باعىتىن ءدال نۇسقاپ، تۇڭعىش رەت قازاق مەملەكەتىنىڭ شەكاراسىن ايقىندادى، تورتكۇل دۇنيەگە تەڭ تەرەزەلى ەل رەتىندە مويىنداتتى.

مىنە، سوندىقتان دا الەمنىڭ ساياساتكەرلەرى پرەزيدەنت نۇرسۇلتان ءابىش ۇلى نازاربايەۆتى قازاقستان مەملەكەتتىلىگىنىڭ نەگىزىن قالاۋشى جانە بۇكىل حالىقارالىق قوعامداستىقتىڭ ريزاشىلىعى مەن قۇرمەتىنە يە بولعان جاھاندىق، وڭىرلىك بەيبىت باستامالاردىڭ اۆتورى رەتىندە تانيدى.

بۇگىن قالامىزداعى مادەنيەت ۇيىندە 1-جەلتوقسان تۇڭعىش پرەزيدەنت كۇنىنە ارنالعان «ەلىن سۇيگەن ەلباسى، ەلى سۇيگەن ەلباسى» اتتى مەرەكەلىك سالتاناتتى جيىن ءوتتى.

جيىنعا قالا اكىمى م.قادىربەك، قالالىق ءماسليحات حاتشىسى ا.بايتانايەۆ، اكىم ورىنباسارلارى، ءماسليحات دەپۋتاتتارى، مەكەمە، ءبولىم باسشىلارى مەن قىزمەتكەرلەرى، زيالى قاۋىم جانە ەتنومادەني ورتالىقتاردىڭ وكىلدەرى، ۇكىمەتتىك ەمەس ۇيىمداردىڭ جەتەكشىلەرى، جاستار جانە ب ا ق وكىلدەرى قاتىستى.

تۇڭعىش پرەزيدەنت كۇنىنە ارنالعان سالتاناتتى جيىندا قالا اكىمى قادىربەك مۇرات بولات ۇلى قالا حالقىن ايتۋلى مەرەكەمەن قۇتتىقتاپ، ارىس قالاسىنىڭ الەۋمەتتىك-ەكونوميكالىق دامۋىنا ۇلەس قوسقان ءبىرقاتار ازاماتتاردى العىس حاتتارمەن ماراپاتتادى.

400-گە جۋىق كورەرمەندەر قاتىسقان «ەلىن سۇيگەن ەلباسى، ەلى سۇيگەن ەلباسى» تاقىرىبىندا وتكەن سالتاناتتى شارادا مىڭ بۇرالعان بيشىلەر مەن كۇمىس كومەي انشىلەر ارىس اسپانىن انگە بولەدى.

 

ارىس قالاسى اكىمىنىڭ باسپا ءسوز قىزمەتى