Eliniń baqyty úshin týylǵan tulǵa
Elbasy halyqty orasan zor isterge jumyldyrdy, qoǵamdaǵy tatýlyq pen kelisimdi nyǵaitý isinde álem alarlyq saiasat ustandy. Elimizdiń syrtqy saiasi baǵytyn dál nusqap, tuńǵysh ret qazaq memleketiniń shekarasyn aiqyndady, tórtkúl dúniege teń terezeli el retinde moiyndatty.
Mine, sondyqtan da álemniń saiasatkerleri Prezident Nursultan Ábishuly Nazarbaevty Qazaqstan memlekettiliginiń negizin qalaýshy jáne búkil halyqaralyq qoǵamdastyqtyń rizashylyǵy men qurmetine ie bolǵan jahandyq, óńirlik beibit bastamalardyń avtory retinde tanidy.
Búgin qalamyzdaǵy mádeniet úiinde 1-jeltoqsan Tuńǵysh Prezident kúnine arnalǵan «Elin súigen Elbasy, eli súigen Elbasy» atty merekelik saltanatty jiyn ótti.
Jiynǵa qala ákimi M.Qadyrbek, qalalyq máslihat hatshysy A.Baitanaev, ákim orynbasarlary, máslihat depýtattary, mekeme, bólim basshylary men qyzmetkerleri, ziialy qaýym jáne etnomádeni ortalyqtardyń ókilderi, úkimettik emes uiymdardyń jetekshileri, jastar jáne BAQ ókilderi qatysty.
Tuńǵysh Prezident kúnine arnalǵan saltanatty jiynda qala ákimi Qadyrbek Murat Bolatuly qala halqyn aitýly merekemen quttyqtap, Arys qalasynyń áleýmettik-ekonomikalyq damýyna úles qosqan birqatar azamattardy Alǵys hattarmen marapattady.
400-ge jýyq kórermender qatysqan «Elin súigen Elbasy, eli súigen Elbasy» taqyrybynda ótken saltanatty sharada myń buralǵan bishiler men kúmis kómei ánshiler Arys aspanyn ánge bóledi.
Arys qalasy ákiminiń baspasóz qyzmeti
