مەملەكەت باسشىسى اگروونەركاسىپتىك كەشەن الدىنا ەڭبەك ونىمدىلىگى مەن وڭدەلگەن ءونىم ەكسپورتىن 5 جىل ىشىندە كەمىندە 2،5 ەسەگە ۇلعايتۋ مىندەتىن قويعان بولاتىن. قويىلعان مىندەتتەردى ەسكەرە وتىرىپ، ۇكىمەت بيىلعى جىلدىڭ شىلدە ايىندا اگروونەركاسىپتىك كەشەندى دامىتۋدىڭ 2021 جىلعا دەيىنگى مەملەكەتتىك باعدارلاماسىن وزەكتەندىرىپ، قايتا بەكىتتى.
سەلەكتورلىق وتىرىستا ق ر اۋىل شارۋاشىلىعىنىڭ ءبىرىنشى ۆيسە-مينيسترى ا.ەۆنييەۆ جاڭارتىلعان مەملەكەتتىك باعدارلامانىڭ جۇزەگە اسىرىلۋى تۋرالى ايتىپ بەردى. سونداي-اق، سالالىق باعدارلامالاردىڭ قالاي جۇزەگە اسىپ جاتقانى تۋرالى باياندادى. مالىمەتتەرگە سايكەس، شاعىن جانە ورتا شارۋا قوجالىقتارىنا نەگىزدەلگەن ەتتى مال شارۋاشىلىعىن دامىتۋدىڭ سالالىق باعدارلاماسى بيىلعى جىلدىڭ ەكىنشى جارتىجىلدىعىنان باستاپ جۇزەگە اسىرىلۋدا. بۇل ءۇشىن ارنايى جەڭىلدەتىلگەن «سىباعا» نەسيەلىك ءونىمى ىسكە قوسىلعان.
وسى سەكىلدى سالالارداعى جەتىستىكتەر مەن الداعى جوسپارلار تۋرالى مالىمەتتەردەن سوڭ ۇكىمەت وتىرىسىندا وڭىرلەردەگى مەملەكەتتىك باعدارلامانىڭ ىسكە اسىرىلۋى تۋرالى جامبىل، تۇركىستان، اقمولا، باتىس قازاقستان، ماڭعىستاۋ وبلىستارىنىڭ اكىمدەرى باياندادى.
تۇركىستان وبلىسى بويىنشا اقپارات بەرگەن وبلىس اكىمى جانسەيىت تۇيمەبايەۆ العاش رەت سالانىڭ 19 باسىم باعىتى (ونىڭ ىشىندە: وسىمدىك شارۋاشىلىعى – 8، مال شارۋاشىلىعى – 7، قايتا وڭدەۋ، ەكسپورتتى ۇلعايتۋ – 4) قاراستىرىلعان «تۇركىستان وبلىسى اگروونەركاسىپ كەشەنىن دامىتۋدىڭ وڭىرلىك باعدارلاماسى» ازىرلەنىپ، اۋىل شارۋاشىلىعى مينيسترلىگىمەن كەلىسىلگەنىن جەتكىزدى. ناتيجەسىندە، ەتتى مال شارۋاشىلىعىن دامىتۋ باعىتىمەن 1850 باس ءىرى قارا مال ساتىپ الۋ جوسپارلانىپ، 11 ايدىڭ قورىتىندىسىمەن 2798 باسقا ءوتىنىم ءتۇستى (1،5 ەسە). 1581 باسى ماقۇلدانىپ، نەسيەلەرى بەرىلدى. تۇڭعىش رەت وبلىسىمىزدا 6،5 مىڭ توننا ەت وزبەكستان، يران، بىرىككەن اراب امىرلىكتەرىنە ەكسپورتتالىپ، رەسپۋبليكالىق كورسەتكىشتىڭ 45،2 پايىزىن قامتىدى. ەت ەكسپورتىن ودان ءارى ۇلعايتۋ ماقساتىندا جەلتوقسان ايىندا ونەركاسىپتىك ۇلگىدەگى 10،0 مىڭ باستىق مال بورداقىلاۋ الاڭى ىسكە قوسىلدى (سايرام اۋدانى «نۇرىم گرۋپ» ج ش س – قۋاتتىلىعى 5،0 مىڭ توننا، جوبا قۇنى – 3،5 ملرد.تگ.). 10 ايدا 174،0 مىڭ توننا ەت ءوندىرىلىپ، 6%-عا (2017 ج. – 164،0 مىڭ تن) ارتتى.
– ءسۇتتى مال شارۋاشىلىعىن دامىتۋ باعىتىمەن 2025 جىلعا دەيىن 400 باسقا دەيىنگى 44 (قۋاتتىلىعى - 10350 باس)، 400 باستان جوعارى 11 (قۋاتىلىعى – 4400 باس) تاۋارلى ءسۇت فەرماسىن سالۋ جوسپارلانىپ وتىر. جىل سوڭىنا دەيىن «قازىنا جەر لتد» جشس-گىمەن قوسىمشا 500 باسقا ءسۇت تاۋارلى فەرماسى كەڭەيتىلەتىن بولادى. 10 ايدا 604،5 مىڭ توننا ءسۇت ءوندىرىلىپ، 3،2%-عا ارتتى (2017 ج.–585،6 مىڭ تن). سۋارمالى جەرلەردى دامىتۋ باعىتىمەن اعىمداعى جىلى وبلىستىق بيۋدجەتتەن 1،3 ملرد.تگ. قارجى قاراستىرىلىپ، 29 نىسانعا اعىمداعى، 4 نىسانعا كۇردەلى جوندەۋ جۇمىستارى جۇرگىزىلدى. ناتيجەسىندە، 9،8 مىڭ گا جەردىڭ سۋمەن قامتاماسىز ەتىلۋى جاقسارىپ، 3،3 مىڭ گا قايتا اينالىمعا ەنگىزىلدى، – دەدى ج.تۇيمەبايەۆ.
ءوز سوزىندە ءوڭىر باسشىسى ۇكىمەت باسشىسىنان تۇركىستان وبلىسىندا «يسلام دامۋ بانكى»، «ەۆروپا قايتا قۇرۋ جانە دامۋ بانكى»، «حالىقارالىق قايتا قۇرۋ جانە دامۋ بانكىمەن» بىرلەسىپ ىسكە اساتىن اۋقىمدى جوبالار بار ەكەنىن، اتالعان جوبالاردىڭ مەرزىمىندە ىسكە اسۋىنا قولداۋ ءبىلدىرۋىن سۇرادى.
بايانداماسىندا اكىم قارقىندى باۋ شارۋاشىلىعىن دامىتۋ باعىتىمەن 2025 جىلعا دەيىن قوسىمشا 22،5 مىڭ گا-عا جەمىس-جيدەك، ءجۇزىم ەگۋ جوسپارلانىپ وتىرعانىن جەتكىزىپ، اگروونەركاسىپ كەشەنىن سيفرلاندىرۋ باعىتىمەن 798،0 مىڭ گا ەگىستىكتىڭ تولىعىمەن ەلەكتروندى كارتاسى جاسالىنعانىن، سونىمەن قاتار، 2،9 ملن. گا جايىلىمنىڭ 26،3% سيفرلاندىرىلعانىن مالىمدەدى.
جالپى، تۇركىستان وبلىسىندا مەملەكەتتىك باعدارلامادا كوزدەلگەن ينديكاتورلارعا قول جەتكىزۋ ماقساتىندا ءار اۋىلدىق وكرۋگتەن تۇراتىن 15 ايماقتىق باعدارلاما ازىرلەنۋدە. سونىمەن قاتار، مينيسترلىكتىڭ ۇسىنىسىنا سايكەس كوزدەلگەن ينديكاتورعا قول جەتكىزبەگەن ساياسي جانە ا كورپۋسى لاۋازىمدارىنىڭ جاۋاپكەرشىلىگىن قاراۋ جونىندە شارالار قابىلدانۋدا. 2018 جىلعى 10 ايدا اۋىل شارۋاشىلىعىنىڭ جالپى ءونىم كولەمى 475،6 ملرد. تەڭگەگە جەتىپ، ناقتى كولەم يندەكسى 103،4%-عا ورىندالدى (جوسپار – 103،9). بۇل كورسەتكىش رەسپۋبليكادا 2-ورىندى كورسەتىپ وتىر.
ماسەلەنى قاراۋ قورىتىندىسىن شىعارا وتىرىپ، ق ر پرەمەر-مينيسترى ب.ساعىنتايەۆ مەملەكتەتىك باعدارلامانىڭ كورسەتكىشتەرىنىڭ وزگەرۋىنىڭ وڭ ديناميكاسىن اتاپ ءوتتى. دەگەنمەن، ءبىرقاتار وبلىستاردىڭ كوزدەلگەن ناتيجەلەردەن ارتتا قالىپ وتىرعانىن دا ايتتى. وسىعان بايلانىستى، اۋىل شارۋاشىلىعى مينيسترلىگىنە اكىمدىكتەرمەن بىرلەسىپ جىل سوڭىنا دەيىن بارلىق ماقساتتى كورسەتكىشتەرگە قول جەتكىزۋدى جانە اوك دامۋىنىڭ نەگىزگى كورسەتكىشتەرىنىڭ وڭ ديناميكاسىن قامتاماسىز ەتۋ تاپسىرىلدى.
تۇركىستان وبلىسى اكىمىنىڭ باسپا ءسوز قىزمەتى
