"ءبىز قازاق حالقى قوناقجاي، كەڭپەيىلدى، جومارت مىنەزدى دەگەندى ءجيى ايتامىز. البەتتە، سولاي. ءبىراق مۇنى قايتالاي بەرۋدىڭ قاجەتى قانشا؟
ەلىمىزدەگى وزگە ەتنوستار ءدال ءقازىر قازاق حالقىنىڭ ءبىر جاعىنا شىعىسۋى قاجەت.
قول قۋسىرىپ وتىرعاننان وپا تاپپايمىز. قازاقستاننىڭ وركەندەۋى مەن قازاق ۇلتىنىڭ وركەندەۋى تىعىز بايلانىستى. قازاق حالقى تولىسىپ، ءتورت قۇبىلاسى تەڭ بولعاندا ءبىز دە ءوزىمىزدى باقىتتى سەزىنەتىن بولامىز"، – دەيدى سۆەتلانا اجەي.
ونىڭ ايتۋىنشا، قازاقستان بيلىگى ەگەمەندىكتىڭ العاشقى جىلدارىنان باستاپ قازاق جەرىن مەكەن ەتكەن بارلىق ۇلتتارعا تەڭ مۇمكىندىك بەرگەن، ەڭبەك ەتۋىنە قولايلى جاعداي جاساعان، ءقايبىر مەملەكەتتەر ۇقساپ ورەسكەل ارەكەتتەرگە جول بەرمەگەن. ءوز ۇلتىنىڭ مۇددەسىن وزگە ۇلتتاردان جوعارى قويماعان.
"سونىڭ نەگىزىندە الەمدە بالاماسى جوق قازاقستان حالقى اسسامبلەياسى قۇرىلدى. اسسامبلەيانىڭ ارقاۋ بولۋىمەن قازاقستاندى مەكەندەيتىن ءتۇرلى ەتنوس وكىلدەرىنىڭ مەكتەپتەرى، مادەني نىساندارى اشىلا باستادى. قازاق بيلىگى ەشقاشان دا وزگە ۇلت پەن ۇلىسقا قىسىم كورسەتكەن ەمەس.
ءبىز ءوز كەزەگىمىزدە قازاق حالقىنىڭ تاۋەلسىزدىككە جەتۋ ءۇشىن نەبىر ازاپتى كۇندەردى وتكەرگەنىن ۇمىتپاۋىمىز كەرەك.
وتكەنگە كوز جۇگىرتسەك سوناۋ پاتشا زامانىنان باستاپ قازاقتار قۋعىن-سۇرگىن كورىپ كەلدى. ولار بۇگىنگى جەتىستىگى مەن باقىتىنا لايىقتى"، – دەيدى ول.
"ۇلاعات" اقساقالدار كەڭەسىنىڭ وسى تاراپتاعى ۇستانىمىن ورتاعا سالعان سۆەتلانا گايتوۆا كەلەر ۇرپاققا ءوزىنىڭ اقىل-وسيەتىن ايتقان ەكەن.
"قانداي دا ءبىر شەشىمگە كەلمەس بۇرىن ول ەلدىڭ مۇددەسىنە ساي ما، ەلدەگى ەتنوسارالىق تاتۋلىققا زيانىن تيگىزبەي مە دەپ ويلانىپ العانىمىز ابزال. قازاقتىڭ ۇلتتىق تاعامىنان ءدام تاتقان، ان-كۇيىن تىڭداعان، ءسالت-داستۇرىن كورىپ وسكەن وزگە ۇلت وكىلدەرى قازاق جەرىنىڭ كيەسى مەن قاسيەتىن ۇمىتپاۋى قاجەت"، – دەيدى ول.
