"Biz qazaq halqy qonaqjai, keńpeiildi, jomart minezdi degendi jii aitamyz. Álbette, solai. Biraq muny qaitalai berýdyń qajeti qansha?
Elimizdegi ózge etnostar dál qazir qazaq halqynyń bir jaǵyna shyǵysýy qajet.
Qol qýsyryp otyrǵannan opa tappaimyz. Qazaqstannyń órkendeýi men qazaq ultynyń órkendeýi tyǵyz bailanysty. Qazaq halqy tolysyp, tórt qubylasy teń bolǵanda biz de ózimizdi baqytty sezinetin bolamyz", – deidi Svetlana ájei.
Onyń aitýynsha, Qazaqstan biligi egemendiktiń alǵashqy jyldarynan bastap qazaq jerin meken etken barlyq ulttarǵa teń múmkindik bergen, eńbek etýine qolaily jaǵdai jasaǵan, qaibir memleketter uqsap óreskel áreketterge jol bermegen. Óz ultynyń múddesin ózge ulttardan joǵary qoimaǵan.
"Sonyń negizinde álemde balamasy joq Qazaqstan halqy Assambleiasy quryldy. Assambleianyń arqaý bolýymen Qazaqstandy mekendeitin túrli etnos ókilderiniń mektepteri, mádeni nysandary ashyla bastady. Qazaq biligi eshqashan da ózge ult pen ulysqa qysym kórsetken emes.
Biz óz kezegimizde qazaq halqynyń Táýelsizdikke jetý úshin nebir azapty kúnderdi ótkergenin umytpaýymyz kerek.
Ótkenge kóz júgirtsek sonaý patsha zamanynan bastap qazaqtar qýǵyn-súrgin kórip keldi. Olar búgingi jetistigi men baqytyna laiyqty", – deidi ol.
"Ulaǵat" aqsaqaldar keńesiniń osy taraptaǵy ustanymyn ortaǵa salǵan Svetlana Gaitova keler urpaqqa óziniń aqyl-ósietin aitqan eken.
"Qandai da bir sheshimge kelmes buryn ol eldiń múddesine sai ma, eldegi etnosaralyq tatýlyqqa ziianyn tigizbei me dep oilanyp alǵanymyz abzal. Qazaqtyń ulttyq taǵamynan dám tatqan, án-kúiin tyńdaǵan, salt-dástúrin kórip ósken ózge ult ókilderi qazaq jeriniń kiesi men qasietin umytpaýy qajet", – deidi ol.
