قازاقستاندا كوۋچ-ترەنەرلەردىڭ ءبىرىڭعاي ۇلتتىق ءتىزىلىمى قۇرىلادى. بۇل تۋرالى پرەمەر-مينيستر ولجاس بەكتەنوۆ دەپۋتاتتىق ساۋالعا بەرگەن جاۋابىندا مالىمدەدى، دەپ حابارلايدى Dalanews.kz.

جاڭا ەرەجە

رەەستر career.enbek.kz پلاتفورماسى بازاسىندا كاسىبي ستاندارت نەگىزىندە جاسالادى. ۇكىمەت كوۋچينگ پەن پسيحولوگيالىق قىزمەتتەردى ليسەنزيالاۋدى قاراستىراتىن جەكە زاڭ قابىلداۋدى جوسپارلاماعان. ونىڭ ورنىنا حالىقارالىق تاجىريبەدە كەڭ تاراعان “كاسىبي ستاندارتتار مەن ءوزىن-وزى رەتتەۋ جۇيەسى” ەنگىزىلەدى.

مينيسترلەر كابينەتىنىڭ مالىمەتىنشە، اقش، ەۋرووداق، جاپونيا جانە رەسەيدە كوۋچتەردىڭ قىزمەتى مەملەكەتتىك ليسەنزيامەن ەمەس، سالالىق اسسوسياسيالار جۇرگىزەتىن كاسىبي سەرتيفيكاتتاۋ ارقىلى رەتتەلەدى.

سونىمەن قاتار تۇتىنۋشىلاردىڭ قۇقىقتارىن قورعاۋدى كۇشەيتۋ ماقساتىندا “تۇتىنۋشىلاردىڭ قۇقىعىن قورعاۋ تۋرالى” زاڭعا وزگەرىستەر ازىرلەنگەن. ماجىلىستە ءبىرىنشى وقىلىمدا ماقۇلدانعان تۇزەتۋلەر كوۋچتەرگە كاسىبي بىلىكتىلىگىن راستايتىن سەرتيفيكات ۇسىنۋدى مىندەتتەيدى. سونداي-اق جالعان جارناما مەن اداستىراتىن اقپارات تاراتۋعا تىيىم سالىنادى. الاياقتىق بەلگىلەرى انىقتالعان جاعدايدا ارەكەتتەر قىلمىستىق كودەكس شەڭبەرىندە باعالانۋى مۇمكىن.

حالىقارالىق كوۋچينگ فەدەراسياسىمەن (ICF) بىرلەسىپ ازىرلەنگەن “كوۋچينگ قىزمەتى (كوۋچ)” كاسىبي ستاندارتى دا بعم-دە كەلىسۋ ساتىسىندا تۇر. قۇجات بيزنەس، كارەرالىق، لايف-كوۋچينگ جانە ءبىلىم بەرۋ سىندى توعىز باعىتتى قامتيدى. كوۋچتەردى دايارلاۋ، سەرتيفيكاتتاۋ جانە تىزىلىمگە ەنگىزۋ پروسەسى ICF ارقىلى جۇرگىزىلەدى.

ۇكىمەت سەرتيفيكاتتالعان ماماندار رەەسترى ازاماتتارعا ساپالى قىزمەت الۋعا كەپىل بەرىپ، نارىقتى رەتسىز كوۋچينگتەن تازارتۋعا مۇمكىندىك بەرەتىنىن اتاپ ءوتتى.

دەپۋتاتتار مالىمدەمەسى

ەسكە سالايىق، بۇعان دەيىن ءماجىلىس دەپۋتاتى ايدوس سارىم جالعان كوۋچتار مەن رۋحاني الاياقتار قوعام ءۇشىن ءقاۋىپتى قۇبىلىسقا اينالعانىن مالىمدەگەن ەدى.

ول مادەنيەت جانە اقپارات ءمينيسترى ايدا بالايەۆاعا دەپۋتاتتىق ساۋال جولدادى.

"كەيىنگى ۋاقىتتا ەلىمىزدە كەڭىنەن تارالىپكەتكەن سان الۋان ەزوتەريكالىق، پسيەۆدوسپيحولوگيالىق جالعان ىلىمدەر مەن سەكتالاردىڭ اسىرە بەلسەندىلىگى قاتتى الاڭداتىپ وتىر. وزدەرىنە جالعان ديپلوم جاساتىپ، اتاعى جەر جاراتىن "اكادەميالاردىڭ"، الەمدىك "ۇيىمداردىڭ" اتىنان ءسوز سويلەپ جۇرگەن باقسى-قۇشناشتىڭ، ترەنەر-كوۋچتەردىڭ شارالارىنىڭ سانى كۇن ساناپ ارتىپ كەلەدى"، - دەدى ول.

دەپۋتاتتىڭ سوزىنشە، مۇندايلاردىڭ جارناماسى دا جەر جارادى.

"قاي ءبىر سايتتى، الەۋمەتتىك  جەلىنى اشىپ قالساڭ بولدى، الەمنىڭ بارشا قۇپياسىن مەڭگەرگەن، ادامنىڭ جان دۇنيەسىنىڭ بۇكىل كىلتىن بەلىنە بايلاعان مامانسىماقتار كوپشىلىكپەن كەزدەسۋلەر، كۋرستار، سەمينارلار وتكىزىپ جاتادى. وكىنىشتىسى، مۇنى جەكەلەگەن ادامداردىڭ ءوز تاڭداۋى، جەكە قۇقىعى دەپ تە ايتا المايمىز. رۋحانيالاياقتار مەملەكەتەتتىك مەكەمەلەرگە، كۆازيمەملەكەتتىك سەكتورداعى ۇيىمدارعادەيىن جەتىپ، مەملەكەتتىك، قوعامدىقپروبلەماعا اينالعانىن بايقاپ وتىرمىز"، - دەدى سارىم.

ايدوس سارىم سوڭعى كەزدەرى ەلىمىزدە"سيۋساي" دەپ اتالاتىن كۋرستار قاۋلاپ تاراپ جاتقانىن جەتكىزدى.