Qazaqstanda koých-trenerlerdiń biryńǵai ulttyq tizilimi qurylady. Bul týraly premer-ministr Oljas Bektenov depýtattyq saýalǵa bergen jaýabynda málimdedi, dep habarlaidy Dalanews.kz.
Jańa ereje
Reestr career.enbek.kz platformasy bazasynda kásibi standart negizinde jasalady. Úkimet koýching pen psihologiialyq qyzmetterdi litsenziialaýdy qarastyratyn jeke zań qabyldaýdy josparlamaǵan. Onyń ornyna halyqaralyq tájiribede keń taraǵan “kásibi standarttar men ózin-ózi retteý júiesi” engiziledi.
Ministrler kabinetiniń málimetinshe, AQSh, Eýroodaq, Japoniia jáne Reseide koýchterdiń qyzmeti memlekettik litsenziiamen emes, salalyq assotsiatsiialar júrgizetin kásibi sertifikattaý arqyly retteledi.
Sonymen qatar tutynýshylardyń quqyqtaryn qorǵaýdy kúsheitý maqsatynda “Tutynýshylardyń quqyǵyn qorǵaý týraly” zańǵa ózgerister ázirlengen. Májiliste birinshi oqylymda maquldanǵan túzetýler koýchterge kásibi biliktiligin rastaityn sertifikat usynýdy mindetteidi. Sondai-aq jalǵan jarnama men adastyratyn aqparat taratýǵa tyiym salynady. Alaiaqtyq belgileri anyqtalǵan jaǵdaida áreketter Qylmystyq kodeks sheńberinde baǵalanýy múmkin.
Halyqaralyq koýching federatsiiasymen (ICF) birlesip ázirlengen “Koýching qyzmeti (koých)” kásibi standarty da BǴM-de kelisý satysynda tur. Qujat biznes, kareralyq, laif-koýching jáne bilim berý syndy toǵyz baǵytty qamtidy. Koýchterdi daiarlaý, sertifikattaý jáne tizilimge engizý protsesi ICF arqyly júrgiziledi.
Úkimet sertifikattalǵan mamandar reestri azamattarǵa sapaly qyzmet alýǵa kepil berip, naryqty retsiz koýchingten tazartýǵa múmkindik beretinin atap ótti.
Depýtattar málimdemesi
Eske salaiyq, buǵan deiin Májilis depýtaty Aidos Sarym jalǵan koýchtar men rýhani alaiaqtar qoǵam úshin qaýipti qubylysqa ainalǵanyn málimdegen edi.
Ol mádeniet jáne aqparat ministri Aida Balaevaǵa depýtattyq saýal joldady.
"Keiingi ýaqytta elimizde keńinen taralypketken san alýan ezoterikalyq, psevdospihologiialyq jalǵan ilimder men sektalardyń ásire belsendiligi qatty alańdatyp otyr. Ózderine jalǵan diplom jasatyp, ataǵy jer jaratyn "akademiialardyń", álemdik "uiymdardyń" atynan sóz sóilep júrgen baqsy-qushnashtyń, trener-koýchterdiń sharalarynyń sany kún sanap artyp keledi", - dedi ol.
Depýtattyń sózinshe, mundailardyń jarnamasy da jer jarady.
"Qai bir saitty, áleýmettik jelini ashyp qalsań boldy, álemniń barsha qupiiasyn meńgergen, adamnyń jan dúniesiniń búkil kiltin beline bailaǵan mamansymaqtar kópshilikpen kezdesýler, kýrstar, seminarlar ótkizip jatady. Ókinishtisi, muny jekelegen adamdardyń óz tańdaýy, jeke quqyǵy dep te aita almaimyz. Rýhanialaiaqtar memleketettik mekemelerge, kvazimemlekettik sektordaǵy uiymdarǵadeiin jetip, memlekettik, qoǵamdyqproblemaǵa ainalǵanyn baiqap otyrmyz", - dedi Sarym.
Aidos Sarym sońǵy kezderi elimizde"Siýtsai" dep atalatyn kýrstar qaýlap tarap jatqanyn jetkizdi.
