2023 جىلعى 1 ناۋرىزدان باستاپ قازاقستان رەسپۋبليكاسىندا جەكە تۇلعالاردىڭ بانكروتتىق ينستيتۋتى ٸسكە قوسىلدى. وسى كەزەڭنەن باستاپ بٷگٸنگە دەيٸن بانكروتتىق رەسٸمٸن قولدانۋعا 270 مىڭنان استام ٶتٸنٸش كەلٸپ تٷسكەن, دەپ حابارلايدى Dalanews.kz.
"ونىڭ ٸشٸندە 262 مىڭ ٶتٸنٸش سوتتان تىس بانكروتتىق رەسٸمٸ اياسىندا بەرٸلگەن. الايدا, 193 مىڭ ٶتٸنٸش (73%) بويىنشا كٸرٸس ٶلشەمشارتتارىنا سەيكەس كەلمەۋ فاكتٸلەرٸ انىقتالىپ, نەتيجەسٸندە ٶتٸنٸشتەر قاناعاتتاندىرىلماعان. نەگٸزگٸ سەبەپتەر — ٶتٸنٸش بەرۋشٸنٸڭ مەنشٸگٸندە مٷلٸكتٸڭ بولۋى, بەرەشەك سوماسى مەن تٶلەم جاسالماعان مەرزٸمنٸڭ تالاپتارعا سەيكەس كەلمەۋٸ, سونداي-اق كرەديتورمەن بەرەشەكتٸ رەتتەۋ رەسٸمٸنٸڭ بولماۋى", دەپ تٷسٸندٸرەدٸ مەملەكەتتٸك كٸرٸستەر دەپارتامەنتٸ.
قۇزىرلى ۆەدمستۆو قولجەتٸمدٸلٸكتٸ ارتتىرۋعا باعىتتالعان زاڭنامالىق ٶزگەرٸستەر ەنگٸزٸلگەنٸن ايتادى. مەسەلەن, سوتتان تىس بانكروتتىق رەسٸمٸن جەڭٸلدەتۋ ماقساتىندا 2024 جىلعى 19 ماۋسىمدا جەنە 2025 جىلعى 30 ماۋسىمدا زاڭناماعا ٶزگەرٸستەر ەنگٸزٸلدٸ.
بٸرٸنشٸ كەزەڭدەگٸ ٶزگەرٸستەر:
- بەرەشەكتٸ رەتتەۋ تۋرالى قۇجاتتاردى قوسا بەرۋ تالابى الىنىپ تاستالدى;
- كرەديتور مەن بەرەشەك سوماسى تۋرالى مەلٸمەتتەردٸ كٶرسەتۋ تالابى جويىلدى — بۇل اقپارات ەندٸ تٸكەلەي كرەديتتٸك بيۋرولاردان سۇراتىلادى;
- سوتتان تىس بانكروتتىق رەسٸمٸنە قاتىساتىن كرەديتورلاردىڭ تٸزبەسٸ كەڭەيتٸلدٸ.
2025 جىلعى 1 شٸلدەدەگٸ ٸسكە اسىرۋ نەتيجەلەرٸ
بۇعان دەيٸن باس تارتىلعان ازاماتتاردىڭ اراسىنان 6 795 ادام سەبەپتەرٸن جويعاننان كەيٸن 3 اي ٶتكەن سوڭ ٶتٸنٸشتٸ قايتا تاپسىرىپ, بانكروت دەپ تانىلدى.
بٷگٸنگٸ تاڭدا 34 600 ازامات رەسمي تٷردە بانكروت دەپ تانىلدى, ونىڭ ٸشٸندە:
- 2 031 ادام – اتاۋلى ەلەۋمەتتٸك كٶمەك الۋشىلار,
- 10 451 ادام – 5 جىلدان استام مەرزٸمدە قارىزدارىن ٶتەمەگەندەر.
سوت تەرتٸبٸمەن بانكروتتىق جەنە تٶلەم قابٸلەتتٸلٸگٸن قالپىنا كەلتٸرۋ اياسىندا:
- كەلٸپ تٷسكەن 10 000 ٶتٸنٸشتٸڭ ٸشٸنەن 225 ازامات بانكروت دەپ تانىلدى;
- 181 ازامات تٶلەم قابٸلەتتٸلٸگٸن قالپىنا كەلتٸرۋ رەسٸمٸنەن ٶتۋدە.
"زاڭ اياسىندا ٶز مٷمكٸندٸگٸن پايدالانعان 34 مىڭنان استام ازامات شامادان تىس بەرەشەك جٷكتەمەسٸنەن ارىلىپ, ەكونوميكالىق بەلسەندٸ ٶمٸرگە قايتا ورالدى", دەلٸنگەن حابارلامادا.
ولاردىڭ ٸشٸندە:
- 1 248 ازامات جەكە كەسٸپكەر رەتٸندە تٸركەلدٸ,
- 2024 جىلعا ارنالعان سالىق ەسەپتٸلٸگٸنە سەيكەس, ولاردىڭ جيىنتىق تابىسى 202,8 ملن تەڭگەنٸ, ەسەپتەلگەن سالىق سوماسى – 16 ملن تەڭگەنٸ قۇرادى.
بۇل دەرەكتەر جەكە كەسٸپكەر رەتٸندە تٸركەلگەن ازاماتتاردى عانا قامتيدى.
