شاراعا الماتى قالاسى اكىمدىگى الەۋمەتتىك دامۋ ءبولىمىنىڭ باس ينسپەكتورى، قالا اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى گۇلنار ءامىروۆا، الماتى قالاسى بويىنشا ءقىاق ءتورايىمى ناتاليا مۇحامەدجانوۆا، الماتى قالاسى بويىنشا ءقىاق باسقارماسىنىڭ مۇشەسى اقمارال يماشيەۆا ءسوز سويلەدى.
سونداي-اق، الماتى قالاسى بويىنشا ءقىاق ءتوراعاسىنىڭ ورىنباسارى دانا جانتەمىروۆا، الماتى قالاسى بويىنشا ءقىاق «جاس قاناتتار» جاستار قاناتىنىڭ مۇشەسى جانە الماتى قالاسى بويىنشا «قايىرىمدىلىق كەرۋەنى» بايقاۋىنىڭ كوورديناتورى اسەل نۇرقانوۆا قاتىستى.
بەسىنشى رەت وتكىزىلىپ وتىرعان «قايىرىمدىلىق كەرۋەنى» بايقاۋى يگى ءىس جاساۋعا قول ۇشىن سوزاتىن جانداردى انىقتاۋعا، حالىقتىڭ ازاماتتىق باستاماسىن جانداندىرۋعا جانە مەيىرىمدىلىك، گۋمانيزم سياقتى ادامگەرشىلىك قۇندىلىقتاردى نىعايتۋعا باعىتتالعان. بايقاۋ جىل سايىن قازاقستاننىڭ دامۋىنا قوماقتى ۇلەس قوسقان باتىل، قامقور جانداردى، مەسەناتتار مەن ناعىز پاتريوتتاردى انىقتايدى.
جوبانى «نۇرسۇلتان نازاربايەۆ» قورى، قازاقستاننىڭ ىسكەر ايەلدەر قاۋىمداستىعى، «كتك» تەلەارناسى جۇزەگە اسىرادى. وعان الەۋمەتتىك، قوعامدىق ماسەلەلەردى شەشۋگە ۇلەستەرىن قوساتىن جانە وزگەلەردى وزدەرىنىڭ يگى ىسىمەن ىنتالاندىراتىن جەكە جانە زاڭدى تۇلعالار قاتىسا الادى.
بايقاۋعا كاسىپكەرلىك سۋبەكتىلەرى، قايىرىمدىلىق قىزمەتى مەملەكەتتىك قولداۋمەن (مەملەكەتتىك گرانت، مەملەكەتتىك تاپسىرىس جانە ت.ب.) بايلانىستى ادامدار قاتىسا المايدى.
لاۋرەاتتار مىنا نوميناسيالار بويىنشا انىقتالادى:
- «اسار» نوميناسياسى حالىقتىق ءسالت-داستۇردى ساقتاۋعا باعىتتالعان قايىرىمدىلىق قىزمەتتى اتقاراتىن جاندارعا تابىستالادى؛
- «تۋعان جەر» نوميناسياسى ءبىلىم بەرۋ، ەكولوگيا جانە اباتتاندىرۋ، مادەني نىسانداردى قالپىنا كەلتىرۋ جانە ت.ب. سالالاردا تۋعان ولكەسىنە قايىرىمدىلىق كورسەتكەن لاۋرەاتقا تابىستالادى؛
- «باتىل جۇرەك» نوميناسياسى ەرلىك پەن قايسارلىق تانىتقان ادامدارعا بەرىلەدى. بۇل نوميناسيا شەڭبەرىندە شۇعىل قىزمەت (تج، ءىىم، جەدەل جاردەم جانە ت. ب.) قىزمەتكەرلەرىنىڭ اراسىندا ەڭ ۇزدىكتەرگە قوسىمشا جەڭىمپاز اتاعى بەرىلۋى مۇمكىن؛
- «مەيىرىم جولىندا» نوميناسياسى بەلگىلى ءبىر ۋاقىت ارالىعىندا تۇراقتى تۇردە وتەۋسىز كومەك كورسەتكەن جاندارعا بەرىلەدى؛
- «قايىرىمدىلىق تاريحى» نوميناسياسى قايىرىمدىلىق، الەۋمەتتىك ماسەلەلەردى ۇزدىك جاريالاعانى ءۇشىن جۋرناليستكە نەمەسە شىعارماشىلىق ۇجىمعا بەرىلەدى؛
- «بالا جۇرەگى» نوميناسياسى توتەنشە جاعدايدا كورسەتكەن ەرلىگى مەن باتىرلىعى جانە قايىرىمدىلىق ىسكە قاتىسقانى ءۇشىن 6 جاستان 18 جاسقا دەيىنگى بالالار مەن جاسوسپىرىمدەرگە بەرىلەدى.
- «جانۋارعا مەيىرىم» نوميناسياسى جانۋارلاردى قورعايتىن، ولاردى اسىراۋعا كومەكتەسەتىن، سونىمەن بىرگە، جانۋارلار الەمىنە قاتىستى مەيىرىمدىلىك پەن قايىرىمدىلىقتى ناسيحاتتايتىن لاۋرەاتقا بەرىلەدى.
بايقاۋعا قاتىسۋعا وتىنىمدەر 2022 جىلدىڭ 30 جەلتوقسانىنا دەيىن قابىلدانادى. قاتىسۋ تۋرالى تولىق اقپاراتتى www.fnn.kz، www.businesswomen.kz سايتتارىنان تابۋعا بولادى. انىقتاما تەلەفوندارى: 8-702-999-92-10 اسەل نۋركانوۆا (الماتى ق.بويىنشا بايقاۋدىڭ كوورديناتورى)، 8-747-866-92-80 ايسۋلۋ اليشوۆا.
https://dalanews.kz/aimak/82635-respublika-kuni-qarsangynda-shqo-da-mad
https://dalanews.kz/news/82622-v-kazakhstane-startoval-konkurs-kara
