Sharaǵa Almaty qalasy ákimdigi Áleýmettik damý bóliminiń bas inspektory, qala ákimi janyndaǵy Áielder isteri jáne otbasylyq-demografiialyq saiasat jónindegi komissiianyń hatshysy Gúlnar Ámirova, Almaty qalasy boiynsha QIÁQ tóraiymy Natalia Muhamedjanova, Almaty qalasy boiynsha QIÁQ basqarmasynyń múshesi Aqmaral Imasheva sóz sóiledi.
Sondai-aq, Almaty qalasy boiynsha QIÁQ tóraǵasynyń orynbasary Dana Jantemirova, Almaty qalasy boiynsha QIÁQ «Jas qanattar» jastar qanatynyń múshesi jáne Almaty qalasy boiynsha «Qaiyrymdylyq kerýeni» baiqaýynyń koordinatory Ásel Nurqanova qatysty.
Besinshi ret ótkizilip otyrǵan «Qaiyrymdylyq kerýeni» baiqaýy igi is jasaýǵa qol ushyn sozatyn jandardy anyqtaýǵa, halyqtyń azamattyq bastamasyn jandandyrýǵa jáne meiirimdilik, gýmanizm siiaqty adamgershilik qundylyqtardy nyǵaitýǵa baǵyttalǵan. Baiqaý jyl saiyn Qazaqstannyń damýyna qomaqty úles qosqan batyl, qamqor jandardy, metsenattar men naǵyz patriottardy anyqtaidy.
Jobany «Nursultan Nazarbaev» qory, Qazaqstannyń isker áielder qaýymdastyǵy, «KTK» telearnasy júzege asyrady. Oǵan áleýmettik, qoǵamdyq máselelerdi sheshýge úlesterin qosatyn jáne ózgelerdi ózderiniń igi isimen yntalandyratyn jeke jáne zańdy tulǵalar qatysa alady.
Baiqaýǵa kásipkerlik sýbektileri, qaiyrymdylyq qyzmeti memlekettik qoldaýmen (memlekettik grant, memlekettik tapsyrys jáne t.b.) bailanysty adamdar qatysa almaidy.
Laýreattar myna nominatsiialar boiynsha anyqtalady:
- «Asar» nominatsiiasy halyqtyq salt-dástúrdi saqtaýǵa baǵyttalǵan qaiyrymdylyq qyzmetti atqaratyn jandarǵa tabystalady;
- «Týǵan jer» nominatsiiasy bilim berý, ekologiia jáne abattandyrý, mádeni nysandardy qalpyna keltirý jáne t.b. salalarda týǵan ólkesine qaiyrymdylyq kórsetken laýreatqa tabystalady;
- «Batyl júrek» nominatsiiasy erlik pen qaisarlyq tanytqan adamdarǵa beriledi. Bul nominatsiia sheńberinde shuǵyl qyzmet (TJ, IIM, Jedel járdem jáne t. b.) qyzmetkerleriniń arasynda eń úzdikterge qosymsha jeńimpaz ataǵy berilýi múmkin;
- «Meiirim jolynda» nominatsiiasy belgili bir ýaqyt aralyǵynda turaqty túrde óteýsiz kómek kórsetken jandarǵa beriledi;
- «Qaiyrymdylyq tarihy» nominatsiiasy qaiyrymdylyq, áleýmettik máselelerdi úzdik jariialaǵany úshin jýrnalistke nemese shyǵarmashylyq ujymǵa beriledi;
- «Bala júregi» nominatsiiasy tótenshe jaǵdaida kórsetken erligi men batyrlyǵy jáne qaiyrymdylyq iske qatysqany úshin 6 jastan 18 jasqa deiingi balalar men jasóspirimderge beriledi.
- «Janýarǵa meiirim» nominatsiiasy janýarlardy qorǵaityn, olardy asyraýǵa kómektesetin, sonymen birge, janýarlar álemine qatysty meiirimdilik pen qaiyrymdylyqty nasihattaityn laýreatqa beriledi.
Baiqaýǵa qatysýǵa ótinimder 2022 jyldyń 30 jeltoqsanyna deiin qabyldanady. Qatysý týraly tolyq aqparatty www.fnn.kz, www.businesswomen.kz saittarynan tabýǵa bolady. Anyqtama telefondary: 8-702-999-92-10 Asel Nýrkanova (Almaty q.boiynsha baiqaýdyń koordinatory), 8-747-866-92-80 Aisýlý Alishova.
https://dalanews.kz/aimak/82635-respublika-kuni-qarsangynda-shqo-da-mad
https://dalanews.kz/news/82622-v-kazakhstane-startoval-konkurs-kara
