بيلٸك نەسيە بەرۋدە جاستار مەن زەينەتكەرلەردٸ قورعاۋ ٷشٸن زاڭ نورمالارىن كٷشەيتپەك. وسى ماقساتتا ميكرو نەسيە سالاسىندا تەرتٸپ ورناتۋ تۋرالى شەشٸم قابىلداندى. قر قارجى نارىعىن رەتتەۋ جەنە دامىتۋ اگەنتتٸگٸ بانكتەر ٷشٸن دە, ميكروقارجى ۇيىمدارى ٷشٸن دە ەرەجەلەردٸ قاتاڭداتۋدى ۇسىندى, دەپ حابارلايدى Dalanews.kz.
جوبا قوعامدىق تالقى ٷشٸن "اشىق نقا" پورتالىنا 2025 جىلعى 18 شٸلدەگە دەيٸن ورنالاستىرىلدى.
زاڭداعى جاڭاشىلدىقتار مىنانداي:
- بانك الدىنا بارماي, نەسيە بەرٸلمەيدٸ. ەگەر بٸرٸنشٸ رەت 150 اەك-تەن (شامامەن 690 مىڭ تەڭگە) ارتىق نەسيە العاى وتىرساڭىز, وندا ونلاين نەسيە رەسٸمدەي المايسىز. مۇندايدا بانك نەمەسە ميكرو كرەديت بەرۋشٸ كەڭسەگە بارۋىڭىز كەرەك بولادى.
- جاس جەنە قارت ادامدار ٷشٸن ەرەكشە جاعدايلار. 21 جاسقا تولماعان جەنە 55 جاستان اسقان ازاماتتار ەندٸ نەسيە الماس بۇرىن جەكە كەلٸسٸمگە قول قويۋى كەرەك بولادى. بۇل كەيٸننەن ٶزدەرٸنٸڭ نەگە كەلٸسٸم بەرگەنٸن بٸلمەي قالعاندارىن ايتپاسى ٷشٸن جاسالادى.
- ويلانۋعا ۋاقىت بەرٸلەدٸ. كەپٸلسٸز ٸرٸ ونلاين-نەسيە رەسٸمدەلگەن جاعدايدا, اقشا بٸردەن شوتقا كەلٸپ تٷسپەيدٸ. تەك بٸر كٷننەن كەيٸن جەنە مىسالى, eGov ارقىلى ٶز شەشٸمٸڭٸزدٸ راستاعان سوڭ نەسيە اقشا بەرٸلەدٸ. بۇل يمپۋلسيۆتٸ شەشٸمدەردٸ بولدىرماۋعا كٶمەكتەسەدٸ.
- اسىرا قارىزدانۋدان قورعاۋ. ەگەر بٸر كٷن ٸشٸندە ادام 150 اەك-تەن اساتىن سوماعا بٸرنەشە شاعىن نەسيە تٸركەتسە, جٷيە ودان ەرٸ نەسيە بەرۋدٸ باياۋلاتىپ, ونى ۋاقىتشا توقتاتۋى كەرەك.
- ومبۋدسمەندەر ٷشٸن قازاق تٸلٸن بٸلۋ مٸندەتتەلەدٸ. جاڭا تالاپتىڭ بٸرٸ - قازاق تٸلٸن B2 دەڭگەيٸندە بٸلۋ. ونسىز بانكتە نەمەسە مقۇ-دا جۇمىس ٸستەۋ مٷمكٸن بولمايدى.
بيلٸك اتالعان جاڭا ەرەجەلەر ادامدارعا ٷيدە وتىرىپ, تەتٸكتٸ بٸرنەشە رەت باسۋ ارقىلى قارىزعا باسىمەن كٸرٸپ كەتپەۋٸنە كٶمەكتەسەدٸ دەگەن سەنٸمدە.
