ەكولوگ كەڭەس زامانىندا تەك 3 جانە 5 قاباتتىق ۇيلەرگە عانا رۇقسات بەرىلگەنىن جەتكىزدى.
"ءبىزدى جاراتىلىس ساقتادى. بۇدان قاتتى بولسا، كوپ قىرعىن بولاتىن ەدى. الماتى وتە سوعان لايىقتى بولىپ تۇر ءقازىر. سالىنعان ۇيلەردىڭ ساپاسى جوق. پايدالانىلعان ماتەريالداردى قولدانعان. تاشكەنتسكييدىڭ بويىندا ارىراق تۇرعان ۇيلەردە ادامدار ىشىنە كىرگەن جوق، قۇلاپ بارا جاتىر. ەشقانداي زەرتتەۋ جوق. ءقازىر كىشكەنتاي بوس جەر بولسا مىندەتتى تۇردە ءۇي سالادى.
كەڭەس وداعى كەزىندە ونداي بولعان جوق. الدىمەن بىزدە 3 قابات بولاتىن. ودان كەيىن بەسكە دەيىن كوتەردى. سالعان ۇيلەردىڭ اراسى كەڭ بولاتىن. ءقازىر حالىق شىعا المايدى. وسىنداي كەزدە وسىنداي قۇرىلىس حالىقتى قىرۋ ءۇشىن جاسالعان. الماتىنى تولتىرۋدىڭ قانداي قاجەتى بولدى؟! كەڭەس وداعى كەزىندە عىلىم اكادەمياسى زەرتتەۋ جاساعان. سوندا ولار "ەكولوگيالىق سىيىمدىلىق 700 مىڭ عانا بولۋى كەرەك" دەدى. ال ءقازىر شامامەن 3 ميلليون"، - دەيدى ەلەۋسىزوۆ.
مەلس ەلەۋسىزوۆ ەل ەگەمەندىك العاننان بەرى مۇنداي جەر سىلكىنىسى بولماعانىن ايتتى.
"بولعان جوق (سوڭعى جىلدارى جەر سىلكىنىسى - ەسك.). ەندى ءقازىر ودان ءارى بولۋعا مۇمكىنشىلىگى بار. بۇرىن الىستا كىشكەنتاي جەر سىلكىنىستەرى بولاتىن. ءقازىر جاقىنداپ كەلە جاتىر. قيراي باستايدى (6-7 بالل كەزىندە - ەسك.)"، - دەيدى ول.
سونىمەن قاتار، "12 بالدىق جەر سىلكىنىسى بولادى" دەگەن مالىمدەمەسىنە قاتىستى پىكىر ءبىلدىردى.
"قايتا جاقسى بولدى، ودان جوعارى بولسا، وتە جامان بولاتىن ەدى. ونىڭ ءبارى بەلگىلى زات قوي. مەن ءوزىم تاۋىپ وتىرعان جوقپىن. قۇمالاقپەن ايتاتىن بىلگىش ەمەسپىن. بىزدە ءۇش رەت بولدى. 1887 جىلى، 1911، 1921. ۇشەۋى دە قاتتى بولدى. اعاشتان جاسالعان كىشكەنتاي-كىشكەنتاي ۇيلەر عوي - ءبارى قيراپ قالدى. پانفيلوۆتاعى شىركەۋ عانا ساقتالدى. 100 جىل سايىن قايتالاپ كەلىپ تۇر. ۋاقىتىنان اسىپ كەتتى (ءقازىر - ەسك.)"، - دەيدى ول.
كوللاج: Dalanews.kz
https://dalanews.kz/news/98373-almaty-mangynda-tun-ishinde-6-ret-zher-silk
