Ekolog Keńes zamanynda tek 3 jáne 5 qabattyq úilerge ǵana ruqsat berilgenin jetkizdi.
"Bizdi Jaratylys saqtady. Budan qatty bolsa, kóp qyrǵyn bolatyn edi. Almaty óte soǵan laiyqty bolyp tur qazir. Salynǵan úilerdiń sapasy joq. Paidalanylǵan materialdardy qoldanǵan. Tashkentskiidiń boiynda aryraq turǵan úilerde adamdar ishine kirgen joq, qulap bara jatyr. Eshqandai zertteý joq. Qazir kishkentai bos jer bolsa mindetti túrde úi salady.
Keńes odaǵy kezinde ondai bolǵan joq. Aldymen bizde 3 qabat bolatyn. Odan keiin beske deiin kóterdi. Salǵan úilerdiń arasy keń bolatyn. Qazir halyq shyǵa almaidy. Osyndai kezde osyndai qurylys halyqty qyrý úshin jasalǵan. Almatyny toltyrýdyń qandai qajeti boldy?! Keńes odaǵy kezinde Ǵylym akademiiasy zertteý jasaǵan. Sonda olar "ekologiialyq syiymdylyq 700 myń ǵana bolýy kerek" dedi. Al qazir shamamen 3 million", - deidi Eleýsizov.
Mels Eleýsizov el egemendik alǵannan beri mundai jer silkinisi bolmaǵanyn aitty.
"Bolǵan joq (sońǵy jyldary jer silkinisi - esk.). Endi qazir odan ári bolýǵa múmkinshiligi bar. Buryn alysta kishkentai jer silkinisteri bolatyn. Qazir jaqyndap kele jatyr. Qirai bastaidy (6-7 ball kezinde - esk.)", - deidi ol.
Sonymen qatar, "12 baldyq jer silkinisi bolady" degen málimdemesine qatysty pikir bildirdi.
"Qaita jaqsy boldy, odan joǵary bolsa, óte jaman bolatyn edi. Onyń bári belgili zat qoi. Men ózim taýyp otyrǵan joqpyn. Qumalaqpen aitatyn bilgish emespin. Bizde úsh ret boldy. 1887 jyly, 1911, 1921. Úsheýi de qatty boldy. Aǵashtan jasalǵan kishkentai-kishkentai úiler ǵoi - bári qirap qaldy. Panfilovtaǵy shirkeý ǵana saqtaldy. 100 jyl saiyn qaitalap kelip tur. Ýaqytynan asyp ketti (qazir - esk.)", - deidi ol.
Kollaj: Dalanews.kz
https://dalanews.kz/news/98373-almaty-mangynda-tun-ishinde-6-ret-zher-silk
