بۇگىن سەنات وتىرىسىندا ب ا ق وكىلدەرى ءىىم ورىنباسارى يگور لەپەحادان ەلدىڭ سىنىنا ۇشىراعان ءماجىلىس دەپۋتاتى اناس باققوجايەۆتىڭ سوزىنە قاتىستى پىكىر ءبىلدىرۋىن سۇرادى، دەپ حابارلايدى Dalanews.kz.
الايدا يگور لەپەحا كوڭىل كونشىتەرلىكتەي جاۋاپ بەرمەدى. ول دەپۋتاتقا قاتىستى ناقتى تۇسىنىكتەمە بەرە المايتىنىن كەسىپ ايتتى.
"مەن دەپۋتاتتىڭ ۇستانىمىنا تۇسىنىكتەمە بەرە المايمىن. سەبەبى ءاربىر ازاماتتىڭ، اسىرەسە دەپۋتاتتىڭ جەكە ۇستانىمى بولۋعا قۇقىلى. تىڭدادىق جانە ونىڭ ۇستانىمىن ەسكەردىك. مۇمكىن ول ناقتى بىرەۋدى ايتقان شىعار. مەن ونى جەكە بىلمەگەندىكتەن ول تۋرالى ەشتەڭە ايتا المايمىن. ەكىنشىدەن، مەملەكەتتىك قىزمەتكەر رەتىندە مەن وعان قاتىستى ءوز پىكىرىمدى ايتۋعا قۇقىم جوق"، - دەپ جاۋاپ بەردى يگور لەپەحا.
ەسكە سالايىق، بۇعان دەيىن ماجىلىستە تۇرمىستىق زورلىق-زومبىلىققا قاتىستى جازانى قاتاڭداتۋ بويىنشا زاڭ جوباسى تانىستىرىلعان ەدى. وندا ءسوز سويلەگەن ءماجىلىس دەپۋتاتى اناس باققوجايەۆ "وتباسىنداعى جانجال ءتىلى ۇزىن ايەلدەن شىعا" دەپ مالىمدەگەن بولاتىن.
