Búgin Senat otyrysynda BAQ ókilderi IIM orynbasary Igor Lepehadan eldiń synyna ushyraǵan Májilis depýtaty Anas Baqqojaevtyń sózine qatysty pikir bildirýin surady, dep habarlaidy Dalanews.kz.
Alaida Igor Lepeha kóńil kónshiterliktei jaýap bermedi. Ol depýtatqa qatysty naqty túsinikteme bere almaitynyn kesip aitty.
"Men depýtattyń ustanymyna túsinikteme bere almaimyn. Sebebi árbir azamattyń, ásirese depýtattyń jeke ustanymy bolýǵa quqyly. Tyńdadyq jáne onyń ustanymyn eskerdik. Múmkin ol naqty bireýdi aitqan shyǵar. Men ony jeke bilmegendikten ol týraly eshteńe aita almaimyn. Ekinshiden, memlekettik qyzmetker retinde men oǵan qatysty óz pikirimdi aitýǵa quqym joq", - dep jaýap berdi Igor Lepeha.
Eske salaiyq, buǵan deiin Májiliste turmystyq zorlyq-zombylyqqa qatysty jazany qatańdatý boiynsha zań jobasy tanystyrylǵan edi. Onda sóz sóilegen Májilis depýtaty Anas Baqqojaev "otbasyndaǵy janjal tili uzyn áielden shyǵa" dep málimdegen bolatyn.
