ٶسكەمەن قالاسىندا قاقاعان ايازدا بٸردەن بٸرنەشە اۋدان سۋسىز قالدى. بەسپالوۆ كٶشەسٸ ماڭىندا سۋ قۇبىرى جارىلعان, دەپ حابارلايدى Dalanews.kz
ەسٸرەسە جەكە سەكتور تۇرعىندارى الاڭداۋلى: اياز كەزٸندە قۇبىرلاردىڭ قاتىپ قالۋ قاۋپٸ جوعارى.
وقيعا ورنىندا اپاتتىق بريگادا جۇمىس ٸستەپ جاتىر, الايدا قۇبىردىڭ قاشان جٶندەلەتٸنٸ ەزٸرگە بەلگٸسٸز. «ٶسكەمەن ۆودوكانال» مەكەمەسٸنٸڭ حابارلاۋىنشا, تۇرعىندارعا اۋىزسۋ جەتكٸزۋ ۇيىمداستىرىلعان.
بۇعان دەيٸن, بٸر كٷن بۇرىن سەمەي قالاسىندا دا ٸرٸ اپات تٸركەلگەن. عابباسوۆ اتىنداعى قازاندىقتىڭ جىلۋ جەلٸلەرٸندەگٸ ماگيسترالدىق قۇبىر جارىلىپ, قالا ورتالىعى ۋاقىتشا جىلۋسىز قالعان. سونىڭ سالدارىنان مىڭداعان تۇرعىننىڭ پەتەرلەرٸندەگٸ جىلۋ باتارەيالارى سۋىپ كەتكەن.
