جيىندا الماتى وبلىستىق قازاقستان حالقى اسسامبلەياسى مەن قازاقستان حالقى اسسامبلەياسى مۇشەلەرى، قوعامدىق كەلىسىم جانە انالار كەڭەستەرى، ەتنومادەني بىرلەستىكتەر ءتوراعالارى، ەلىمىزدەگى جەتەكشى پارتيالاردىڭ، جوعارى وقۋ ورىندارىنىڭ، كاسىپوداق پەن ۇكىمەتتىك ەمەس ۇيىمداردىڭ باسشىلارى،وبلىستىق كاسىپكەرلەر پالاتاسى جانە ب ا ق وكىلدەرى قاتىستى. جيىننىڭ مودەراتورلارى الماتى وبلىستىق قحا ءتوراعاسىنىڭ ورىنباسارى، xاتشىلىق مەڭگەرۋشىسى عابيت تۇرسىنباي مەن «نۇر وتان» پارتياسى الماتى وبلىستىق فيليالى ءتوراعاسىنىڭ ءبىرىنشى ورىنباسارى، ايماقتىق كواليسيانىڭ ءتوراعاسى عالياسقار سارىبايەۆ بولدى.
باسقوسۋدا العاشقى بولىپ ءسوز العان عالياسقار تولەندى ۇلى ەلباسىنىڭ جولداۋلارىنا توقتالىپ، بيىلعى جىلى قابىلدانعان «بەس الەۋمەتتىك باستاماسىن» ناقتىلاي جەتكىزدى.
– وزدەرىڭىزگە ءمالىم، ەل پرەزيدەنتى 2017 جىلى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى قابىلدانىپ، سول جىلى ءساۋىر ايىندا «بولاشاققا باعدار: رۋxاني جاڭعىرۋ» باعدارلامالىق ماقالاسى جارىق كورگەن بولاتىن. ياعني، جولداۋدىڭ نەگىزگى تۇستارىن قامتي وتىرىپ، «رۋxاني جاڭعىرۋ» باعدارلاماسى دۇنيەگە كەلدى. ال بيىل «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋدان كەيىن «پرەزيدەنتتىڭ بەس الەۋمەتتىك باستاماسى» اتتى ۇندەۋى جاريالاندى. دەمەك، قازاقستان xالقىنىڭ تۇرمىستىق جاعدايىن جاقسارتۋعا، ادامي كاپيتالدارعا ارنالعان كوپتەگەن ماسەلەلەردى ىرىكتەپ، ناقتىلارىنا توقتالىپ وتىر، – دەدى ول.
سونىمەن بىرگە، الماتى وبلىستىق قحا جانىنداعى جەتەكشى جۋرناليستەر مەن ساراپشىلار كلۋبىنىڭ ءتوراعاسى اتساليم يديگوۆ پەن وبلىستىق ارداگەرلەر ۇيىمىنىڭ ءتوراعاسى ەرمەك كەلەمسەيىت جانە ەلدەگى ساياسي پارتيالاردىڭ ءتوراعالارى ءسوز الىپ، ەلباسى ۇندەۋىنىڭ ءتيىمدى تۇستارىن باسا ايتتى.
بالجان قايرات قىزى
