Elbasy úndeýi – jańarýdyń jańa qadamy
Jiynda Almaty oblystyq Qazaqstan Halqy Assambleiasy men Qazaqstan Halqy Assambleiasy músheleri, qoǵamdyq kelisim jáne Analar keńesteri, etnomádeni birlestikter tóraǵalary, elimizdegi jetekshi partiialardyń, joǵary oqý oryndarynyń, kásipodaq pen úkimettik emes uiymdardyń basshylary,oblystyq kásipkerler palatasy jáne BAQ ókilderi qatysty. Jiynnyń moderatorlary Almaty oblystyq QHA tóraǵasynyń orynbasary, xatshylyq meńgerýshisi Ǵabit Tursynbai men «Nur Otan» partiiasy Almaty oblystyq filialy tóraǵasynyń birinshi orynbasary, aimaqtyq koalitsiianyń tóraǵasy Ǵaliasqar Sarybaev boldy.
Basqosýda alǵashqy bolyp sóz alǵan Ǵaliasqar Tólendiuly Elbasynyń Joldaýlaryna toqtalyp, biylǵy jyly qabyldanǵan «Bes áleýmettik bastamasyn» naqtylai jetkizdi.
– Ózderińizge málim, el Prezidenti 2017 jyly «Qazaqstannyń Úshinshi jańǵyrýy: jahandyq básekege qabilettilik» atty Joldaýy qabyldanyp, sol jyly sáýir aiynda «Bolashaqqa baǵdar: rýxani jańǵyrý» baǵdarlamalyq maqalasy jaryq kórgen bolatyn. Iaǵni, Joldaýdyń negizgi tustaryn qamti otyryp, «Rýxani jańǵyrý» baǵdarlamasy dúniege keldi. Al biyl «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty joldaýdan keiin «Prezidenttiń bes áleýmettik bastamasy» atty úndeýi jariialandy. Demek, Qazaqstan xalqynyń turmystyq jaǵdaiyn jaqsartýǵa, adami kapitaldarǵa arnalǵan kóptegen máselelerdi iriktep, naqtylaryna toqtalyp otyr, – dedi ol.
Sonymen birge, Almaty oblystyq QHA janyndaǵy jetekshi jýrnalister men sarapshylar klýbynyń tóraǵasy Atsalim Idigov pen oblystyq Ardagerler uiymynyń tóraǵasy Ermek Kelemseiit jáne eldegi saiasi partiialardyń tóraǵalary sóz alyp, Elbasy úndeýiniń tiimdi tustaryn basa aitty.
Baljan QAIRATQYZY
