ەلباسى: قازاقتىڭ جەرٸنە جانى اشيتىن ەكٸ ادام بولسا, سونىڭ بٸرٸ – مەنمٸن
– قازاقتىڭ جەرٸنە جانى اشيتىن ەكٸ ادام بولسا, سونىڭ بٸرٸ – مەنمٸن. شەكارانى شەگەندەگەن كەزدە 14 مىڭ كيلومەترلٸك شەكارانىڭ ەر مەترٸ ٷشٸن كٷرەستٸك. ەش جەردە ەشتەڭەنٸ بەرمەۋ ٷشٸن, بەرسەك ورنىنا الۋ ٷشٸن. مەن ول قورقىنىشتاردىڭ قايدان شىعاتىنىن بٸلەم. كٶرشٸلەر الىپ قويماي ما, ايىرىلىپ قالمايمىز با دەگەندەي… قازاقتىڭ جەرٸن ەشكٸم ارقالاپ, تيەپ الىپ كەتە المايدى. ول – قازاقستاننىڭ جەرٸ. قازاقستاننىڭ زاڭدارى بار. ونى باسقالارعا ساتۋعا رۇقسات ەتپەيمٸز.
جەردٸ ٶزٸمٸزدٸڭ ازاماتتار, ٶز كەسٸپكەرلەرٸمٸز جەكەمەنشٸككە السا دەيمٸز, بٸراق سونى الاتىن ادامدار جوق بولىپ تۇر عوي قازٸر. الۋعا قورى, اقشاسى جەتپەيدٸ.
باتىستا جەرگە جەكەمەنشٸك قانداي ەكەنٸن بٸلەسٸزدەر عوي? وندا جەردٸڭ يەسٸ بار, وعان ەشكٸمدٸ كٸرگٸزبەيدٸ, قورعايدى.
تەۋەلسٸزدٸكتٸڭ العاشقى جىلدارىندا ەڭ مىقتى دەگەن ەلۋ سوۆحوز ديرەكتورىن شاقىرىپ, «جەردٸ الاسىزدار ما?» دەدٸم. كٶبٸ المادى, قورىقتى. ون ادام عانا كەلٸستٸ. قازٸر سولار جاقسى دامىپ, گٷلدەنٸپ كەتتٸ.
تٷبٸندە اۋىل شارۋاشىلىعى قازاقستان ٷشٸن تابىستىڭ ەڭ مىقتى كٶزٸ بولۋى كەرەك, – دەدٸ قازاقستان پرەزيدەنتٸ.
"ەگەمەن قازاقستان" گازەتٸ
