Elbasy: Qazaqtyń jerine jany ashityn eki adam bolsa, sonyń biri – menmin
– Qazaqtyń jerine jany ashityn eki adam bolsa, sonyń biri – menmin. Shekarany shegendegen kezde 14 myń kilometrlik shekaranyń ár metri úshin kúrestik. Esh jerde eshteńeni bermeý úshin, bersek ornyna alý úshin. Men ol qorqynyshtardyń qaidan shyǵatynyn bilem. Kórshiler alyp qoimai ma, aiyrylyp qalmaimyz ba degendei… Qazaqtyń jerin eshkim arqalap, tiep alyp kete almaidy. Ol – Qazaqstannyń jeri. Qazaqstannyń zańdary bar. Ony basqalarǵa satýǵa ruqsat etpeimiz.
Jerdi ózimizdiń azamattar, óz kásipkerlerimiz jekemenshikke alsa deimiz, biraq sony alatyn adamdar joq bolyp tur ǵoi qazir. Alýǵa qory, aqshasy jetpeidi.
Batysta jerge jekemenshik qandai ekenin bilesizder ǵoi? Onda jerdiń iesi bar, oǵan eshkimdi kirgizbeidi, qorǵaidy.
Táýelsizdiktiń alǵashqy jyldarynda eń myqty degen elý sovhoz direktoryn shaqyryp, «Jerdi alasyzdar ma?» dedim. Kóbi almady, qoryqty. On adam ǵana kelisti. Qazir solar jaqsy damyp, gúldenip ketti.
Túbinde aýyl sharýashylyǵy Qazaqstan úshin tabystyń eń myqty kózi bolýy kerek, – dedi Qazaqstan Prezidenti.
"Egemen Qazaqstan" gazeti
