تۇرعىندارىنىڭ مادەني جانە رۋحاني سەزىمدەرىن قالىپتاستىرۋ، دەسترۋكتيۆتى ءدىني اعىم جاقتاستارىن قازاقستاندىق قوعام قۇندىلىقتارىنا بەيىمدەۋ جانە مەملەكەت پەن ءدىن اراسىنداعى زايىرلىلىق ۇستانىمى بويىنشا حالىقتى جان-جاقتى اقپاراتتاندىرۋ ماقساتىندا ۇيىمداستىرىلعان كەزدەسۋگە ناسيحاتتىق توپ مۇشەلەرى، قوعامدىق ۇيىم وكىلدەرى مەن ءماسليحات دەپۋتاتتارى، اۋىل تۇرعىندارى مەن جاستار قاتىستى.
جيىندى اۋدان اكىمى ەرلان ايتاحانوۆ اشىپ، ەلباسىمىزدىڭ جۋىردا عانا جاريالاعان «ۇلى دالانىڭ جەتى قىرى» ماقالاسى مەن ءداستۇرلى جولداۋلارى جونىندە باياندادى.
– ەلباسىمىز نۇرسۇلتان ءابىش ۇلى نازاربايەۆتىڭ «ۇلى دالانىڭ جەتى قىرى» ماقالاسىندا «كەڭىستىك – بارلىق نارسەنىڭ، ال ۋاقىت – بۇكىل وقيعانىڭ ولشەمى. ۋاقىت پەن كەڭىستىكتىڭ كوكجيەگى توعىسقان كەزدە ۇلت تاريحى باستالادى» دەپ كورسەتكەن ۇلت كوشباسشىسىنىڭ تەرەڭ مازمۇندى، تاعىلىمى مول ماقالاسى قالىڭ بۇقارانى ەرەكشە سەرپىلتىپ تاستادى. تىلسىم تاريحتىڭ جەتى قىرى وتكەنىمىزدى تاريح تۇعىرىنان باعامداپ، تەرەڭ زەردەلەۋگە، ونىڭ كۇرمەۋلى ءتۇيىنىن شەشۋگە جول اشتى، ءسالت-داستۇرىمىزدى جاڭعىرتىپ، تۋرا جولعا باستاعان ءدىنىمىزدى، ءدىلىمىزدى، مادەنيەتىمىزدى قۇرمەتپەن قاراۋعا شاقىردى.
ۇلى دالامىزدىڭ عالامات مادەنيەتى مەن دىنىنە، رۋحانياتىنا ولشەۋسىز ۇلەس قوسقان قوجا احمەت ياساۋي، ونىڭ ۇستازى ارىستانباب بابالارىمىزدىڭ ىزگى جولىنان بۇگىنگى ۇرپاق اداسپاۋى ءتيىس.
مەملەكەت باسشىسىنىڭ ساليقالى ساياساتىنىڭ ارقاسىندا تاۋەلسىز مەملەكەتىمىز تۇراقتىلىق پەن تىنىشتىقتى، ءدىني ءوزارا تۇسىنىستىك پەن تاتۋلىقتى تۋ ەتىپ، باعدارلى بولاشاققا قادام باسىپ كەلەدى، – دەدى اۋدان باسشىسى ەرلان قۋانىش ۇلى.
ۇلتتىق قۇندىلىقتار مەن ءداستۇرلى ءدىنىمىز جونىندە ارنايى دايىندالعان بەينەروليكتى تاماشالاعان جيىنعا قاتىسۋشىلار ءدىن، مادەنيەت جايلى اقپاراتتار الماسىپ، پىكىر ءبولىستى.
شارا بارىسىندا ءدىني اعىم جەتەگىنە ەرمەۋ، تاريحي قۇندىلىقتارعا قۇرمەتپەن قاراۋ، وتباسى تاتۋلىعى مەن باياندى بولاشاعى، ۇرپاق تاربيەسى جونىندە كەڭىنەن ءسوز بولىپ، قاريالار دا ءوز اقىلدارى مەن ويلارىن بۇكپەسىز ورتاعا سالدى.
بۇگىنگى تاڭدا باقىتتى وتباسىن ساقتاپ قالۋ ەڭ ءبىرىنشى كەزەكتە جاس جۇبايلاردىڭ تاربيەسى مەن سانالى جاۋاپكەرشىلىگىنە تىكەلەي بايلانىستى بولسا، اقىلدى، ساناسى سەرگەك ۇرپاق ءوسىرىپ جەتىلدىرۋ دە ەلىمىزدىڭ كەمەلدى كەلەشەگى ءۇشىن ەڭ باستى ۇلەس ەكەندىگى دە ايتىلدى.
وتىرىس بارىسىندا وبلىستىق ءدىن ماسەلەلەرىن زەرتتەۋ ورتالىعى ديرەكتورىنىڭ ورىنباسارى ءمادي ابزەلبەك ۇلى، وتىرار اۋداندىق قوعامدىق كەڭەستىڭ ءتوراعاسى مىرزاحمەت تەمىربەكوۆتەر بابالاردان ميراس بولىپ قالعان ءداستۇرلى قۇندىلىقتار مەن اسىل ءدىنىمىز يسلام جونىندە ويلارىن ورتاعا سالدى.
تاربيە مەن تاعىلىمعا تولى كەزدەسۋلەر بۇعان دەيىن دە اۋداندا تۇراقتى تۇردە ۇيىمداستىرىلىپ كەلگەن. ەلگە بەلگىلى اقىن-جازۋشىلار، ابىز اقساقالدار جانە اق جاۋلىقتى انالارمەن كەزدەسىپ، سىر-سۇحبات الماسۋ، ءومىرى مەن ونەگەسىنە ۇڭىلە وتىرىپ، دانالىق پەن ىزگى جولدى ناسيحاتتاۋ شارالارىنىڭ بەرەرى مول بولعاندىقتان ۇنەمى جالعاسىن تاۋىپ وتىرماق.
بۇگىنگى قۇندىلىقتاردى ساقتاي وتىرىپ كەلەشەككە ميراس ەتۋگە، تۋعان جەر مەن ەلدىڭ قادىر-قاسيەتىن ارتتىرىپ، سىرىنا ۇڭىلۋگە شاقىرعان جيىندى قورىتىندىلاعان اۋدان باسشىسى ايتاحانوۆ:
– كەلەلى كەزدەسۋدىڭ ءمانى مەن ماعىناسى، بۇكپەسىز ايتىلعان ويلار، قاريالار اقىلى جاستار ءۇشىن ەرەكشە قۇندى ماعلۇمات. «ۇيادا نە كورسەڭ، ۇشقاندا سونى ىلەسىڭ»،-دەپ دانا حالقىمىزدىڭ تاربيەلى قۇندىلىقتارىنىڭ ماڭىزدىلىعى دا وتباسى مەن ۇرپاقتى، ەل مەن جەردى سىيلاۋدان كورىنىس تابادى. مەملەكەتتىڭ باستى مىندەتى مەن ماقساتى دا وسى ءداستۇرلى قۇندىلىقتارىمىزدى ساقتاپ، كەلەر ۇرپاققا دۇرىس جول كورسەتۋ. بۇگىنگى ىزگىلىكتى شارادا وي ءبولىسىپ، ءوز سالالارى بويىنشا ءتۇسىندىرۋ جۇمىستارىن جۇرگىزگەن قوناقتارعا العىسىمدى بىلدىرەمىن، – دەدى.
Dalanews.kz
