Elbasy maqalasy mádenietimizdi qurmetpen qaraýǵa shaqyrdy
Turǵyndarynyń mádeni jáne rýhani sezimderin qalyptastyrý, destrýktivti dini aǵym jaqtastaryn qazaqstandyq qoǵam qundylyqtaryna beiimdeý jáne memleket pen din arasyndaǵy zaiyrlylyq ustanymy boiynsha halyqty jan-jaqty aqparattandyrý maqsatynda uiymdastyrylǵan kezdesýge nasihattyq top músheleri, qoǵamdyq uiym ókilderi men máslihat depýtattary, aýyl turǵyndary men jastar qatysty.
Jiyndy aýdan ákimi Erlan Aitahanov ashyp, Elbasymyzdyń jýyrda ǵana jariialaǵan «Uly dalanyń jeti qyry» maqalasy men dástúrli Joldaýlary jóninde baiandady.
– Elbasymyz Nursultan Ábishuly Nazarbaevtyń «Uly dalanyń jeti qyry» maqalasynda «Keńistik – barlyq nárseniń, al ýaqyt – búkil oqiǵanyń ólshemi. Ýaqyt pen keńistiktiń kókjiegi toǵysqan kezde ult tarihy bastalady» dep kórsetken Ult Kóshbasshysynyń tereń mazmundy, taǵylymy mol maqalasy qalyń buqarany erekshe serpiltip tastady. Tylsym tarihtyń jeti qyry ótkenimizdi tarih tuǵyrynan baǵamdap, tereń zerdeleýge, onyń kúrmeýli túiinin sheshýge jol ashty, salt-dástúrimizdi jańǵyrtyp, týra jolǵa bastaǵan dinimizdi, dilimizdi, mádenietimizdi qurmetpen qaraýǵa shaqyrdy.
Uly dalamyzdyń ǵalamat mádenieti men dinine, rýhaniiatyna ólsheýsiz úles qosqan Qoja Ahmet Iasaýi, onyń ustazy Arystanbab babalarymyzdyń izgi jolynan búgingi urpaq adaspaýy tiis.
Memleket basshysynyń saliqaly saiasatynyń arqasynda táýelsiz memleketimiz turaqtylyq pen tynyshtyqty, dini ózara túsinistik pen tatýlyqty tý etip, baǵdarly bolashaqqa qadam basyp keledi, – dedi aýdan basshysy Erlan Qýanyshuly.
Ulttyq qundylyqtar men dástúrli dinimiz jóninde arnaiy daiyndalǵan beinerolikti tamashalaǵan jiynǵa qatysýshylar din, mádeniet jaily aqparattar almasyp, pikir bólisti.
Shara barysynda dini aǵym jetegine ermeý, tarihi qundylyqtarǵa qurmetpen qaraý, otbasy tatýlyǵy men baiandy bolashaǵy, urpaq tárbiesi jóninde keńinen sóz bolyp, qariialar da óz aqyldary men oilaryn búkpesiz ortaǵa saldy.
Búgingi tańda baqytty otbasyn saqtap qalý eń birinshi kezekte jas jubailardyń tárbiesi men sanaly jaýapkershiligine tikelei bailanysty bolsa, aqyldy, sanasy sergek urpaq ósirip jetildirý de elimizdiń kemeldi keleshegi úshin eń basty úles ekendigi de aityldy.
Otyrys barysynda oblystyq din máselelerin zertteý ortalyǵy direktorynyń orynbasary Mádi Ábzelbekuly, Otyrar aýdandyq qoǵamdyq keńestiń tóraǵasy Myrzahmet Temirbekovter babalardan miras bolyp qalǵan dástúrli qundylyqtar men asyl dinimiz islam jóninde oilaryn ortaǵa saldy.
Tárbie men taǵylymǵa toly kezdesýler buǵan deiin de aýdanda turaqty túrde uiymdastyrylyp kelgen. Elge belgili aqyn-jazýshylar, abyz aqsaqaldar jáne aq jaýlyqty analarmen kezdesip, syr-suhbat almasý, ómiri men ónegesine úńile otyryp, danalyq pen izgi joldy nasihattaý sharalarynyń bereri mol bolǵandyqtan únemi jalǵasyn taýyp otyrmaq.
Búgingi qundylyqtardy saqtai otyryp keleshekke miras etýge, týǵan jer men eldiń qadir-qasietin arttyryp, syryna úńilýge shaqyrǵan jiyndy qorytyndylaǵan aýdan basshysy Aitahanov:
– Keleli kezdesýdiń máni men maǵynasy, búkpesiz aitylǵan oilar, qariialar aqyly jastar úshin erekshe qundy maǵlumat. «Uiada ne kórseń, ushqanda sony ilesiń»,-dep dana halqymyzdyń tárbieli qundylyqtarynyń mańyzdylyǵy da otbasy men urpaqty, el men jerdi syilaýdan kórinis tabady. Memlekettiń basty mindeti men maqsaty da osy dástúrli qundylyqtarymyzdy saqtap, keler urpaqqa durys jol kórsetý. Búgingi izgilikti sharada oi bólisip, óz salalary boiynsha túsindirý jumystaryn júrgizgen qonaqtarǵa alǵysymdy bildiremin, – dedi.
Dalanews.kz
