ەكس-مينيستر رۋسلان جاقسىلىقوۆ قاماۋعا الىندى

ەكس-مينيستر رۋسلان جاقسىلىقوۆ قاماۋعا الىندى, دەپ حابارلايدى Dalanews.kz ۇلىسمەدياعا سٸلتەپ.

"2025 جىلعى 10 ماۋسىمدا قازاقستان رەسپۋبليكاسىنىڭ قورعانىس مينيسترٸ, گەنەرال-پولكوۆنيك رۋسلان جاقسىلىقوۆ قاماۋعا الىنىپ, استانا قالاسىنداعى ۋاقىتشا ۇستاۋ يزولياتورىنا جەتكٸزٸلدٸ. تەرگەۋ مٷددەسٸنە بايلانىستى ٶزگە اقپارات جارييا ەتۋگە جاتپايدى", - دەلٸنگەن حابارلامادا.

بۇعان دەيٸن 8 ماۋسىمدا پرەزيدەنت رۋسلان جاقسىلىقوۆتى قورعانىس مينيسترٸ قىزمەتٸنەن بوساتقان بولاتىن. ونىڭ ورنىنا دەۋرەن قوسانوۆ قورعانىس مينيسترلٸگٸن باسقارادى.

ايتا كەتەيٸك, بۇعان دەيٸن ەسكەري ساراپشى, وتستاۆكاداعى پولكوۆنيك ەرمەك سەيٸتباتتالوۆ قورعانىس سالاسىنا تٷبەگەيلٸ ٶزگەرٸس كەرەك ەكەنٸن مەلٸمدەگەن بولاتىن.

سەيٸتباتتالوۆ قازاقستانداعى ەسكەردٸڭ ەلەۋەتٸنە, ەۋە قورعانىسىنا قاتىستى پٸكٸر بٸلدٸردٸ. ساراپشى بۇل سالانى ۇيىمداستىرۋ ٶتە ەلسٸز ەكەن ەكەنٸن ايتتى.

"مەنٸڭ پايىمداۋىمشا, (ەسكەردٸڭ ەلەۋەتٸ - ەسك.) بٷگٸنگٸ زاماننىڭ تالابىنا ساي ەمەس. كٶپ جەردە ايتىپ جٷرمٸن, ەسكەرگە رەفورما كەرەك. ٶتە كەڭ, ٶتە تەرەڭ رەفورما كەرەك. 32 جىلدا 13 مينيستر (اۋىستى - ەسك.). 13 مينيستردٸڭ 30 پايىزى - ازامات. ولاردىڭ ەسكەري دايىندىقتان, ەسكەري بٸلٸمنەن حابارى جوق. قالعانى, 9 مينيستر دە (بۇل سالاعا - ەسك.) بەيٸندٸ ەمەس, ولاردىڭ بولعان ۋاقىتىنا قاراساڭىز, 32 جىلدىڭ ٸشٸندە التى جارىم جىل عانا كەسٸبي, ەسكەري مينيسترلەر بولعان. ولارعا دا سۇراقتار بار. سوندا 20 پايىزى عانا ەسكەريلەر بولعان. بٷگٸنگٸ زاماندا بٸزدٸڭ قاۋٸپسٸزدٸگٸمٸزدٸ (ولاردان - ەسك.) دامىعان ەلدەردەگٸ سيياقتى, دامىپ جاتقان ەلدەردەگٸ سيياقتى سۇراۋعا بولمايدى. نەگە دەسەڭٸز ولاردىڭ دايارلىعى, ۇعىمى جوق. ولار ونداي جاۋاپ بەرە المايدى.

(ەۋە قورعانىسى - ەسك.) بٷگٸنگٸ تالاپقا ساي كەلمەيدٸ . سان ەمەس, ساپا ەمەس, ۇيىمداستىرۋ جاعى ٶتە اقساپ تۇر. كەيبٸر مەن بٸلەتٸن ٶتە جاقسى جٸگٸتتەر بار. بٸراق ولار جٷيەنٸڭ ٸشٸندە جٷر, جەكە تۇلعالىق كٶزقاراسىن كٶرسەتە المايدى. كادردان باستاۋ كەرەك. كادردى قوياتىن - باسشىلىق. قورعانىس مينيسترٸ, سونىڭ كابينەتٸندە وتىراتىن ادام ونى بٸلەدٸ. ەلدٸڭ ەسكەري قورعانىسىن, ۇلتتىق قاۋٸپسٸزدٸگٸن بٸلٸپ وتىراتىن, دايارلانعان, بٸلٸكتٸ ادام كەرەك. قازٸرگٸ قورعانىس مينيسترٸنە كٶڭٸلٸم تولمايدى. ناقتى ايتپايمىن. (سەبەبٸ - ەسك.) وفيتسەرلٸك كودەكس", - دەدٸ ول Bilgen Durys ارناسىنا بەرگەن سۇحباتىندا.

ايتا كەتەيٸك, ەكس-قورعانىس مينيسترٸ رۋسلان جاقسىلىقوۆ  2021 جىلعى قىركٷيەكتەن 2022 جىلى قاڭتار ارالىعىندا ٸشكٸ ٸستەر مينيسترٸنٸڭ ورىنباسارى – قازاقستان رەسپۋبليكاسى ۇلتتىق ۇلانىنىڭ باس قولباسشىسى قىزمەتٸن اتقارعان.

ال 2022 جىلعى 19 قاڭتاردان باستاپ قازاقستان رەسپۋبليكاسىنىڭ قورعانىس مينيسترٸ لاۋازىمىن اتقاردى.