باتىس قازاقستان وبلىسىندا 2016 جىلى ٶز كٶڭٸلدەسٸن ٶلتٸرۋگە تاپسىرىس بەرگەن تەرەكتٸ اۋدانىنىڭ بۇرىنعى ەكٸمٸ جەڭٸس سەرٸكقاليەۆ بوستاندىققا شىقتى. سول جىلى ول 11 جىلعا سوتتالعان ەدٸ, - دەپ حابارلايدى Dalanews.kz تٸلشٸسٸ "موي گورود" باسىلىمىنا سٸلتەپ.
ەكس-شەنەۋنٸكتٸڭ ٷكٸمٸ 2024 جىلعى سەۋٸردە شارتتى جازاعا اۋىستىرىلدى, بٸراق بۇل تۋرالى قازٸر عانا بەلگٸلٸ بولدى. سوتتالۋشى ٶتەلمەگەن جازانى شارتتى جازامەن اۋىستىرۋ تۋرالى ٶتٸنٸشپەن جٷگٸنگەن. سەرٸكقاليەۆ سوت تاعايىنداعان 11 جىلدىڭ 8 جىلىن ٶتەگەن, مەرزٸمٸ 2027 جىلعى 14 ناۋرىزدا اياقتالۋعا تيٸس بولاتىن.
سوتتا سەرٸكقاليەۆ جازاسىن ٶتەۋ كەزٸندە تەرتٸپ بۇزباعانى, جۇمىس ٸستەگەنٸ, ٸس-شارالارعا قاتىسقانى, 15 رەت كٶتەرمەلەۋ العانى انىقتالدى.
ەسكە سالايىق, 2016 جىلعى 23 اقپانىندا تەرەكتٸ اۋدانىنىڭ بۇرىنعى ەكٸمٸنٸڭ كٶڭٸلدەسٸنە ەكٸ ەر ادام شابۋىل جاساپ, پىشاقتاپ كەتكەن بولاتىن. ەيەل امان قالىپ, جٷرگٸزۋشٸنٸڭ تەرەكتٸ اۋدانى تۇرعىن ٷي-كوممۋنالدىق شارۋاشىلىعى باسقارماسىنىڭ باسشىسى بولعانىن ايتتى. سوت بارىسىندا تەرەكتٸ اۋدانىنىڭ ەكٸمٸ جەڭٸس سەرٸكقاليەۆ تۇرعىن ٷي-كوممۋنالدىق شارۋاشىلىق باسقارماسىنىڭ باسشىسى قوجامۇراتوۆتى ٶزٸنٸڭ كٶڭٸلدەسٸن ٶلتٸرۋدٸ ٶتٸنگەن. سەبەبٸ ەكەۋٸنٸڭ قىزى بار, كٶڭٸلدەسٸ ونى بوپسالاعان. ٶز كەزەگٸندە قوجامۇراتوۆ بۇيرىقتى ورىنداۋشى بولىپ, ەيەلدٸ ٶلتٸرۋ ٷشٸن جٷرگٸزۋشٸسٸن 500 مىڭ تەڭگەگە جالداعان.
تەرەكتٸ اۋدانىنىڭ بۇرىنعى ەكٸمٸ جەڭٸس سەرٸكقاليەۆ پەن ونىڭ سىبايلاستارىنا ٷكٸم 2016 جىلعى 1 قىركٷيەكتە شىققان. ولار 10 جىلدان 11 جىلعا دەيٸنگٸ مەرزٸمگە باس بوستاندىعىنان ايىرۋ جازاسىن قاتاڭ رەجيمدەگٸ كولونييادا ٶتەۋ جازاسىنا كەسٸلدٸ.
سوت وتىرىسىنان كەيٸن جەبٸرلەنۋشٸ جەڭٸس سەرٸكقاليەۆتٸ كٸنەسٸز دەپ سانايتىندىقتان, ٷكٸمگە شاعىمداناتىنىن ايتقان ەدٸ.
