Batys Qazaqstan oblysynda 2016 jyly óz kóńildesin óltirýge tapsyrys bergen Terekti aýdanynyń burynǵy ákimi Jeńis Serikqaliev bostandyqqa shyqty. Sol jyly ol 11 jylǵa sottalǵan edi, - dep habarlaidy Dalanews.kz tilshisi "Moi gorod" basylymyna siltep.
Eks-sheneýniktiń úkimi 2024 jylǵy sáýirde shartty jazaǵa aýystyryldy, biraq bul týraly qazir ǵana belgili boldy. Sottalýshy ótelmegen jazany shartty jazamen aýystyrý týraly ótinishpen júgingen. Serikqaliev sot taǵaiyndaǵan 11 jyldyń 8 jylyn ótegen, merzimi 2027 jylǵy 14 naýryzda aiaqtalýǵa tiis bolatyn.
Sotta Serikqaliev jazasyn óteý kezinde tártip buzbaǵany, jumys istegeni, is-sharalarǵa qatysqany, 15 ret kótermeleý alǵany anyqtaldy.
Eske salaiyq, 2016 jylǵy 23 aqpanynda Terekti aýdanynyń burynǵy ákiminiń kóńildesine eki er adam shabýyl jasap, pyshaqtap ketken bolatyn. Áiel aman qalyp, júrgizýshiniń Terekti aýdany turǵyn úi-kommýnaldyq sharýashylyǵy basqarmasynyń basshysy bolǵanyn aitty. Sot barysynda Terekti aýdanynyń ákimi Jeńis Serikqaliev turǵyn úi-kommýnaldyq sharýashylyq basqarmasynyń basshysy Qojamuratovty óziniń kóńildesin óltirýdi ótingen. Sebebi ekeýiniń qyzy bar, kóńildesi ony bopsalaǵan. Óz kezeginde Qojamuratov buiryqty oryndaýshy bolyp, áieldi óltirý úshin júrgizýshisin 500 myń teńgege jaldaǵan.
Terekti aýdanynyń burynǵy ákimi Jeńis Serikqaliev pen onyń sybailastaryna úkim 2016 jylǵy 1 qyrkúiekte shyqqan. Olar 10 jyldan 11 jylǵa deiingi merzimge bas bostandyǵynan aiyrý jazasyn qatań rejimdegi koloniiada óteý jazasyna kesildi.
Sot otyrysynan keiin jábirlenýshi Jeńis Serikqalievti kinásiz dep sanaityndyqtan, úkimge shaǵymdanatynyn aitqan edi.
