سٷلەيمەنوۆا كٶز جۇمعان ازاماتتاردىڭ جاقىندارىنا كٶڭٸل ايتىپ, ٶرت باستالعاندا بٸرٸنشٸ بولىپ وقيعا ورنىنا ورمانشىلاردىڭ اتتانعانىن مەلٸمدەدٸ. الايدا 8 ماۋسىمدا ولار بايلانىسقا شىعۋدى دوعارعان.
"كەشە 14 ادامنىڭ مەيٸتٸ تابىلدى. بٸز 8 ماۋسىمدا 21:00-دەن كەيٸن, 22:00-گە تاياۋ بايلانىستى جوعالتتىق. راتسييامەن سوڭعى رەت جەلدٸڭ بٸردەن باعىتىن ٶزگەرتٸپ, تٷتٸن باسقانىن ايتتى. بارلىعى دۇرىس بولادى دەپ ٷمٸتتەندٸك. قويۋ تٷتٸننەن ولاردى تابۋ مٷمكٸن بولمادى. كەشە مەيٸتتەرٸ تابىلدى. وسى جاعدايدى پايدالانىپ, ٶرت سٶندٸرۋ كەزٸندە كٶز جۇمعان ازاماتتاردىڭ وتباسى مەن جاقىندارىنا كٶڭٸل ايتقىم كەلەدٸ", – دەدٸ زٷلفييا سٷلەيمەنوۆا.
مينيستردٸڭ سٶزٸنشە, جاعداي ەلٸ دە كٷردەلٸ. جەل كٷشەيگەن. سونداي-اق اۋا رايى بولجامىنا سەيكەس الداعى بٸرنەشە كٷندە قاتتى جەل سوعادى.
"جالىندى وقشاۋلاپ, ۇستاپ تۇرۋعا تىرىسامىز. كەلگەن زييان كٶلەمٸ ەسەپتەلەدٸ. كوميسسييا جۇمىس جٷرگٸزەدٸ. بارلىعىن از ۋاقىتتا ٸستەۋگە تىرىسامىز, بٸراق ٶرت سٶندٸرٸلگەن سوڭ وقيعا ورنىنا جىعۋ كەرەك. ٶرت كەزٸندە مۇنداي جۇمىستاردى اتقارۋ قيىن. دەگەنمەن قازٸردەن-اق شىعىننىڭ ٷلكەن ەكەنٸن ايتۋعا بولادى. سەبەبٸ بۇل تاريحىمىزداعى ەڭ ٷلكەن ٶرت شىعار. بۇل تۋرالى ايتۋ ەرتە, بەلكٸم شىعىن كٶلەمٸ ميللياردتاعان تەڭگە بولۋى ىقتيمال. اباي وبلىسىنداعى جاعداي – ٷلكەن اپات", – دەدٸ زٷلفييا سٷلەيمەنوۆا.
