اتوم ەنەرگياسى جونىندەگى اگەنتتىك ءتوراعاسى الماسادام ساتقالييەۆتىڭ ايتۋىنشا، مەملەكەتتىك كوميسسيا اتوم ەلەكتر ستانسياسىن سالۋعا ارنالعان ەكىنشى الەۋەتتى اۋماقتى انىقتاعان. ول – الماتى وبلىسىنىڭ جامبىل اۋدانى. وسىلايشا ەكى ستانسيا دا ەلدىڭ وڭتۇستىگىندە ورنالاسپاق، دەپ حابارلايدى Dalanews.kz.
الماسادام ساتقالييەۆتىڭ سوزىنشە، بۇل وڭىردە ەكى اەس سالىنۋى ەنەرگيامەن جابدىقتاۋدىڭ تۇراقتىلىعىن قامتاماسىز ەتەدى. سونداي-اق، قازاقستان كونكۋرستىڭ بارلىق قاتىسۋشىسىمەن كەلىسسوزدەردى جالعاستىرىپ جاتىر.
قىتايدىڭ CNNC كورپوراسياسىنا قاتىستى تۇپكىلىكتى شەشىم ءالى قابىلدانعان جوق، دەگەنمەن ۇسىنىلعان شارتتاردى ەسكەرە وتىرىپ، ول باسىم سەرىكتەس رەتىندە قاراستىرىلىپ وتىر.
