Атом энергиясы жөніндегі агенттік төрағасы Алмасадам Сәтқалиевтің айтуынша, мемлекеттік комиссия атом электр станциясын салуға арналған екінші әлеуетті аумақты анықтаған. Ол – Алматы облысының Жамбыл ауданы. Осылайша екі станция да елдің оңтүстігінде орналаспақ, деп хабарлайды Dalanews.kz.
Алмасадам Сәтқалиевтің сөзінше, бұл өңірде екі АЭС салынуы энергиямен жабдықтаудың тұрақтылығын қамтамасыз етеді. Сондай-ақ, Қазақстан конкурстың барлық қатысушысымен келіссөздерді жалғастырып жатыр.
Қытайдың CNNC корпорациясына қатысты түпкілікті шешім әлі қабылданған жоқ, дегенмен ұсынылған шарттарды ескере отырып, ол басым серіктес ретінде қарастырылып отыр.
