پاۆلودار وبلىسىنىڭ ەكٸباستۇز قالاسىندا پوليتسييا قىزمەتكەرلەرٸ ۇستاعان ەر ادام بٶلٸمشەدە قايتىس بولدى, دەپ حابارلايدى dalanews.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, 11 تامىز كٷنٸ تەرتٸپ ساقشىلارىنا ماس كٷيدەگٸ ەر ادامنىڭ جانجال شىعارىپ, ەيەل ادامعا قوقان-لوقى كٶرسەتكەنٸ تۋرالى حابارلاما تٷسكەن. وقيعا ورنىنا بارعان پوليتسەيلەر كٷدٸكتٸنٸ ۇستاپ, پوليتسييا بٶلٸمٸنە جەتكٸزگەن. كەيٸن ول ارنايى ۇستاۋ بٶلمەسٸنە قامالعان.
ارادا بٸراز ۋاقىت ٶتكەن سوڭ ەر ادام ەس-تٷسسٸز كٷيدە تابىلعان. وعان مەديتسينالىق كٶمەك كٶرسەتٸلگەنٸمەن, ٶمٸرٸن ساقتاپ قالۋ مٷمكٸن بولماعان. پوليتسييا وقيعانىڭ مەن-جايىن انىقتاۋ ٷشٸن بەينەجازبالار تەركٸلەنگەنٸن حابارلادى.
الايدا Qumash باسىلىمى مارقۇمنىڭ تۋىستارىنا سٸلتەمە جاساپ, وتباسى مٷشەلەرٸنٸڭ ٶلٸمنٸڭ سەبەپتەرٸ مەن ۇستاۋ بارىسىنا قاتىستى بٸرقاتار سۇراقتارى بار ەكەنٸن جازدى.
مارقۇمنىڭ ەپكەسٸنٸڭ ايتۋىنشا, اناسى تەمٸر توردىڭ ار جاعىنان ۇلىن اسىلىپ تۇرعان كٷيدە كٶرگەن. تۋىستارى قۇقىق قورعاۋ ورگاندارى بۇل جاعدايدى «شورتتىڭ باۋىمەن جاسالعان سۋيتسيد» رەتٸندە تٷسٸندٸرۋگە تىرىسىپ جاتىر دەپ ەسەپتەيدٸ.
سونداي-اق وتباسى ريناتتىڭ ناقتى قانداي سەبەپپەن ۇستالعانىنا, كامەراعا قامالار الدىندا ونىڭ تولىق تەكسەرٸلگەن-تەكسەرٸلمەگەنٸنە جەنە پوليتسييا قىزمەتكەرلەرٸ قايعىلى جاعدايدىڭ الدىن نەگە الا الماعانىنا قاتىستى جاۋاپ كٷتەتٸنٸن مەلٸمدەگەن.
قازٸرگٸ ۋاقىتتا وقيعانىڭ بارلىق مەن-جايى انىقتالىپ جاتىر.
