اقش-تىڭ چيكاگو قالاسىندا فەدەرالدى پروكۋرورلار Medicare جەنە مەديتسينالىق ساقتاندىرۋ باعدارلامالارىنا قاتىستى اۋقىمدى الاياقتىق سحەمالارىن ۇيىمداستىردى دەگەن كٷدٸكپەن بٸرنەشە شەتەل ازاماتىنا ايىپ تاقتى, دەپ حابارلايدى Dalanews.kz cwbchicago.com باسىلىمىنا سٸلتەمە جاساپ.
تەرگەۋ دەرەگٸنشە, بۇل سحەمالار سالدارىنان مەملەكەتتٸك باعدارلامالار مەن جەكە ساقتاندىرۋ كومپانييالارى 1 ملرد دوللاردان استام قارجىدان قاعىلعان. الاياقتىق مەديتسينالىق جابدىقتار مەن دياگنوستيكالىق تەستٸلەرگە جالعان ٶتٸنٸمدەر بەرۋ ارقىلى جٷزەگە اسقان, الايدا بۇل قىزمەتتەر پاتسيەنتتەرگە ٸس جٷزٸندە كٶرسەتٸلمەگەن.
فەدەرالدى ايىپتاۋ قورىتىندىلارىنىڭ بٸرٸندە قازاقستان ازاماتى انۋر ابدراحمانوۆ Medicare باعدارلاماسى اياسىنداعى الاياقتىق وپەراتسييالاردان تٷسكەن قاراجاتتى زاڭداستىرۋ ماقساتىندا سٶز بايلاسقانى ٷشٸن ايىپتالدى.
تەرگەۋ نۇسقاسىنا سەيكەس, ابدراحمانوۆ كەنتۋككي شتاتىندا تٸركەلگەن Priority One Medical Equipment كومپانيياسىن باقىلاۋىنا الىپ, ونى Medicare باعدارلاماسىنا جالعان ٶتٸنٸمدەر بەرۋ ٷشٸن پايدالانعان. 2024 جىلدىڭ ناۋرىز–تامىز ايلارى ارالىعىندا كومپانييا ارقىلى ٷزدٸكسٸز گليۋكوزا مونيتورينگٸ قۇرىلعىلارى مەن كاتەتەرلەرگە قاتىستى شامامەن 666 ملن دوللار كٶلەمٸندە ٶتٸنٸم جولدانعان. الايدا بۇل مەديتسينالىق بۇيىمدار پاتسيەنتتەرگە جەتكٸزٸلمەگەن.
سوت ماتەريالدارىنا سەيكەس, ابدراحمانوۆ اقش-قا 2023 جىلدىڭ مامىرىندا ماۋسىمدىق جۇمىس ۆيزاسىمەن بارىپ, ونىڭ مەرزٸمٸ سول جىلدىڭ قىركٷيەگٸندە اياقتالعانىنا قاراماستان, ەلدە قالا بەرگەن. 2024 جىلدىڭ سەۋٸرٸندە ول كومپانييانىڭ بۇرىنعى يەسٸ بيزنەسٸن ساتقاننان كەيٸن Priority One-نىڭ مٷشەسٸ ەرٸ باسقارۋشىسى بولعان.
تەرگەۋشٸلەردٸڭ مەلٸمەتٸنشە, 2024 جىلدىڭ مامىر–تامىزى ارالىعىندا Medicare جٷيەسٸنە Priority One كومپانيياسىنا قاتىستى 250-گە جۋىق شاعىم تٷسكەن. كٶپتەگەن ازاماتتار ەشقانداي تاۋار نەمەسە قىزمەت الماعانىن ايتقان. يللينويس شتاتىنداعى التى Medicare الۋشى ٶزدەرٸنە گليۋكوزا مونيتورينگٸ قۇرىلعىلارى مەن كاتەتەرلەر بەرٸلدٸ دەگەن اقپاراتتى جوققا شىعارىپ, تٸپتٸ ديابەتپەن اۋىرمايتىنىن مەلٸمدەگەن.
2024 جىلدىڭ شٸلدەسٸندە تەرگەۋشٸلەر كومپانييانىڭ كەنتۋككيدەگٸ كەڭسەسٸن باقىلاۋ كەزٸندە ونىڭ بوس ەرٸ جابىق تۇرعانىن انىقتاعان. كەڭسەدەگٸ جالدامالى قىزمەتكەرلەردٸڭ ايتۋىنشا, ولاردىڭ جالعىز مٸندەتٸ – پوشتانى جيناپ, ونى Telegram مەسسەندجەرٸ ارقىلى بۇرىن-سوڭدى جٷزبە-جٷز كٶرمەگەن باسشىسىنا جولداۋ بولعان.
سوت قۇجاتتارىندا بٸر قىزمەتكەردٸڭ چەكتەردٸ FedEx ارقىلى چيكاگو ماڭىنداعى مەكەنجايلارعا جٸبەرگەنٸ كٶرسەتٸلگەن. سول قىزمەتكەردٸڭ بٸرٸ Priority One اتىنا جازىلعان 1 ملن دوللارلىق چەكتٸ جوعالتىپ الىپ, كەيٸن تاپقانى ٷشٸن 2 مىڭ دوللار سىياقى العانىن ايتقان.
شاعىمعا سەيكەس, 2024 جىلدىڭ شٸلدەسٸندە Medicare Priority One-عا تٶلەمدەردٸ توقتاتقانىنا قاراماستان, قوسىمشا ساقتاندىرۋ ۇسىناتىن Medigap كومپانييالارى جالعان ٶتٸنٸمدەر بويىنشا كەمٸندە 450 مىڭ دوللار تٶلەگەن. قارجىلىق قۇجاتتار ابدراحمانوۆتىڭ كەيٸن 182 مىڭ دوللاردى گونكونگتاعى شوتتارعا اۋدارعانىن, سونداي-اق 200 مىڭ دوللاردان استام قارجىنى باسقا شەتەلدٸك ەسەپشوتتارعا جٸبەرۋگە تالپىنعانىن كٶرسەتەدٸ.
2024 جىلدىڭ تامىزىندا تەرگەۋشٸلەر ابدراحمانوۆتى Priority One-نىڭ بانك شوتىنا Medigap ساقتاندىرۋ كومپانييالارىنان تٷسكەن شامامەن 22,5 مىڭ دوللار كٶلەمٸندەگٸ 30-عا جۋىق چەكتٸ سالىپ جاتقان جەرٸنەن ۇستاعان.
بۇل ٸستە تاعى بٸر قازاقستان ازاماتى – تاير سماعۋل دا ايىپتالدى. چيكاگو ماڭىندا تۇراتىن سماعۋل Medical Home Care Inc. كومپانيياسىنا قاتىستى Medicare باعدارلاماسىنداعى ٸرٸ الاياقتىقتان تٷسكەن قاراجاتتى زاڭداستىرۋ ماقساتىندا سٶز بايلاسقان دەپ كٷدٸكتەلٸپ وتىر.
فەدەرالدى بيلٸكتٸڭ مەلٸمەتٸنشە, 2023 جىلدىڭ جەلتوقسانىنان 2024 جىلدىڭ قىركٷيەگٸنە دەيٸن سماعۋل كومپانييانى باقىلاپ, ۇلتتىق دەڭگەيدەگٸ الاياقتىق سحەماعا قاتىسقان. بۇل سحەما اياسىندا Medicare جەنە Medigap ساقتاندىرۋ كومپانييالارىنا مەديتسينالىق قاجەتتٸلٸگٸ جوق نەمەسە مٷلدە جەتكٸزٸلمەگەن كاتەتەرلەر مەن ٶزگە جابدىقتار ٷشٸن شوتتار ۇسىنىلعان.
ايىپتاۋ اكتٸسٸنە سەيكەس, Medical Home Care 2023 جىلدىڭ مامىرى مەن 2024 جىلدىڭ ماۋسىمى ارالىعىندا كاتەتەرلەرگە قاتىستى 470 مىڭعا جۋىق ٶتٸنٸم بەرٸپ, ولاردىڭ جالپى سوماسى شامامەن 953 ملن دوللاردى قۇراعان. وسى كەزەڭدە Medicare جٷيەسٸنە كومپانيياعا قاتىستى 27 377 شاعىم تٷسكەن.
تەرگەۋ بارىسىندا Medicare الۋشى 19 ادامنان جاۋاپ الىنعان, ونىڭ ٸشٸندە يللينويس شتاتىنداعى بەس تۇرعىن بار. ولاردىڭ بارلىعى ٶزدەرٸنە اتالعان مەديتسينالىق بۇيىمدار جەتكٸزٸلمەگەنٸن ايتقان. ال كاتەتەرلەردٸ تاعايىندادى دەپ كٶرسەتٸلگەن ٷش مەديتسينا قىزمەتكەرٸ مۇنداي تاعايىنداۋلار بولماعانىن جەنە اتالعان ازاماتتاردىڭ ٶز پاتسيەنتتەرٸ ەمەس ەكەنٸن مەلٸمدەگەن.
قارجىلىق قۇجاتتارعا سەيكەس, 2024 جىلدىڭ قاڭتار–اقپان ايلارىندا, سماعۋل كومپانييانى باقىلاپ وتىرعان كەزەڭدە, Medigap ساقتاندىرۋ كومپانييالارى Medical Home Care-گە كەمٸندە 854 080 دوللار تٶلەگەن. تەرگەۋشٸلەر سماعۋلدىڭ بۇل قاراجاتتى يللينويس شتاتىنداعى بانكوماتتار ارقىلى بٸرنەشە رەت قولما-قول شەشٸپ الىپ, كەيٸن كومپانييانىڭ بانك شوتتارىن جاۋىپ, الاياقتىق جولمەن الىنعان چەكتٸ جەكە ەسەپشوتىنا اۋدارعانىن ايتادى.
بۇل ٸستە پەكٸستان ازاماتتارى – بۋرحان ميرزا مەن كاشيف يكبال دا ايىپتالۋدا. تەرگەۋ نۇسقاسىنا سەيكەس, ولار جالعان ٶتٸنٸمدەر ارقىلى Medicare جەنە ٶزگە دە دەنساۋلىق ساقتاۋ باعدارلامالارىنان 10 ملن دوللار تٶلەۋگە مەجبٷرلەگەن سحەما ۇيىمداستىرعان. ايىپتاۋ ماتەريالدارىندا يكبالعا فەدەرالدى تەرگەۋشٸلەرگە جالعان مەلٸمەت بەرگەن دەگەن ايىپ تا تاعىلعان.
