پاۆلودار وبلىسىندا قازىرگى ۋاقىتتا دارىگەر، ءمۇعالىم جانە تەحنيكالىق سالا ماماندارى تاپشى. حالىق سانى از ايماققا مەملەكەتتىك باعدارلاما اياسىندا قونىس اۋدارۋعا نيەتتى جاندارعا قولداۋ دا ەرەكشە. ماسەلەن، بىلتىر تۇركىستان وبلىسىنان پاۆلودارعا كوشكەن 90-عا جۋىق وتباسىنىڭ مۇشەلەرى جۇمىسقا ورنالاستىرىلىپ، باسپانامەن قامتىلعان. بۇل تۋرالى تۇركىستان وبلىسىنا ارنايى كەلگەن اقپاراتتىق-ناسيحاتتىق توپ وكىلى ەرسىن جۇماشيەۆ بريفينگتە مالىمدەدى، – دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

– سولتۇستىككە كوشكەن جانۇياداعى ءاربىر ادامعا بىررەتىك 214 مىڭ تەڭگە قارجى بەرىلەدى. اۋىل شارۋاشىلىعىن دامىتامىن دەگەن شارۋالار ءۇشىن دە جەر قۇنارلىلىعىن اتاپ وتكىم كەلەدى. مەملەكەت قورىنداعى باسپانادا 5 جىل كولەمىندە تۇرعان ازاماتتارعا ءۇي اتتارىنا راسىمدەلىپ بەرىلەدى. وكىنىشكە وراي، دەنساۋلىعىنا بايلانىستى اۋا رايى جاقپاي نەمەسە وتباسىلىق جاعدايلارمەن تۋعان جەرىنە قايتا ورالعان ازاماتتار بار. بۇل ءبىزدىڭ تاراپىمىزدان جاعداي جاسالماعاندىعى ەمەس، ازاماتتاردىڭ ەرىكتى تۇردە بەلگىلى سەبەپتەرمەن قايتۋ فاكتىسى، – دەدى پاۆلودار قالاسىنىڭ جۇمىسپەن قامتۋ ورتالىعىنىڭ ءبولىم باسشىسى ەرسىن اعىنتاي ۇلى.

پاۆلوداردان تۇركىستان وبلىسىنا كەلگەن اقپارتتىق توپ مۇشەلەرى 1 اپتا بويى وبلىس اۋماعىنداعى 17 قالا-اۋدان تۇرعىندارىمەن جۇزدەسەدى. جوسپارعا ساي دەلەگاسيا قۇرامىنداعى 40-قا جۋىق مامان كوشى-قون ماسەلەسى تۋرالى تولىققاندى ءتۇسىندىرۋ جۇمىستارىن جۇرگىزەدى.