«Eki myńǵa jýyq jumys orny bar, úi beremiz!». Túrkistanǵa kelgen pavlodarlyq memqyzmetkerler jurtty kóshýge úgittedi
– Soltústikke kóshken januiadaǵy árbir adamǵa birretik 214 myń teńge qarjy beriledi. Aýyl sharýashylyǵyn damytamyn degen sharýalar úshin de jer qunarlylyǵyn atap ótkim keledi. Memleket qoryndaǵy baspanada 5 jyl kóleminde turǵan azamattarǵa úi attaryna rásimdelip beriledi. Ókinishke orai, densaýlyǵyna bailanysty aýa raiy jaqpai nemese otbasylyq jaǵdailarmen týǵan jerine qaita oralǵan azamattar bar. Bul bizdiń tarapymyzdan jaǵdai jasalmaǵandyǵy emes, azamattardyń erikti túrde belgili sebeptermen qaitý faktisi, – dedi Pavlodar qalasynyń jumyspen qamtý ortalyǵynyń bólim basshysy Ersin Aǵyntaiuly.
Pavlodardan Túrkistan oblysyna kelgen aqparttyq top músheleri 1 apta boiy oblys aýmaǵyndaǵy 17 qala-aýdan turǵyndarymen júzdesedi. Josparǵa sai delegatsiia quramyndaǵy 40-qa jýyq maman kóshi-qon máselesi týraly tolyqqandy túsindirý jumystaryn júrgizedi.
