استانا قالاسىنىڭ حالىقارالىق اۋەجايىندا قازاقستاندىق پوليسەيلەر ءازىربايجان ءىىم ينتەرپول ۇلتتىق ورتالىق بيۋروسىنىڭ سۇراۋى بويىنشا الاياقتىق جاساعانى ءۇشىن حالىقارالىق ىزدەۋدە جۇرگەن وسى ەلدىڭ ازاماتىن ۇستادى، - دەپ حابارلايدى Dalanews.kz Polisia.kz-كە سىلتەپ.
ەر ادام 2022 جىلى باكۋدەگى الەۋمەتتىك ۇيلەردەن پاتەر الۋعا كومەكتەسۋ سىلتاۋىمەن جەرگىلىكتى تۇرعىنداردىڭ اقشاسىن يەمدەنگەن.
قاسكوي استانادان دۋشانبەگە ۇشىپ كەتپەك بولعان. قازىرگى ۋاقىتتا ول ەلوردالىق پوليسيانىڭ ۋاقىتشا ۇستاۋ يزولياتورىنا قامالدى.
ەسكە سالايىق، كۇنى كەشە ىشكى ىستەر مينيسترلىگى قازاقستاندا ەكى كۇندە ىزدەۋدە جۇرگەن 280 قىلمىسكەر ۇستالعانىن حابارلاعان بولاتىن.
ونىڭ ىشىندە: كىسى ولتىرگەنى ءۇشىن - 9؛ دەنساۋلىققا اۋىر زيان كەلتىرگەنى ءۇشىن - 4؛ قاراقشىلىق شابۋىلدار ءۇشىن - 5؛ توناۋ ءۇشىن - 7؛ ەسىرتكى قىلمىسى ءۇشىن - 19.
رەسپۋبليكادان تىس جەرلەردە 33 قىلمىسكەر قۇرىقتالىپ، ال باسقا مەملەكەتتەردىڭ سۇراۋىمەن 145 ادام قاماۋعا الىندى.
ارمەنيانىڭ نوەمبەريان اۋدانىنىڭ اۋماعىندا 36 جاستاعى قازاقستان ازاماتى ۇستالدى. ول قىركۇيەك ايىنىڭ سوڭىندا پەتروپاۆلدا قالا تۇرعىنىنا پىشاق جاراقاتىن سالىپ، ومىرىنە قاستاندىق جاساعان.
