Astana qalasynyń halyqaralyq áýejaiynda qazaqstandyq politseiler Ázirbaijan IIM Interpol ulttyq ortalyq biýrosynyń suraýy boiynsha alaiaqtyq jasaǵany úshin halyqaralyq izdeýde júrgen osy eldiń azamatyn ustady, - dep habarlaidy Dalanews.kz Polisia.kz-ke siltep.
Er adam 2022 jyly Bakýdegi áleýmettik úilerden páter alýǵa kómektesý syltaýymen jergilikti turǵyndardyń aqshasyn iemdengen.
Qaskói Astanadan Dýshanbege ushyp ketpek bolǵan. Qazirgi ýaqytta ol elordalyq politsiianyń ýaqytsha ustaý izoliatoryna qamaldy.
Eske salaiyq, kúni keshe Ishki ister ministrligi Qazaqstanda eki kúnde izdeýde júrgen 280 qylmysker ustalǵanyn habarlaǵan bolatyn.
Onyń ishinde: kisi óltirgeni úshin - 9; densaýlyqqa aýyr ziian keltirgeni úshin - 4; qaraqshylyq shabýyldar úshin - 5; tonaý úshin - 7; esirtki qylmysy úshin - 19.
Respýblikadan tys jerlerde 33 qylmysker quryqtalyp, al basqa memleketterdiń suraýymen 145 adam qamaýǵa alyndy.
Armeniianyń Noemberian aýdanynyń aýmaǵynda 36 jastaǵy Qazaqstan azamaty ustaldy. Ol qyrkúiek aiynyń sońynda Petropavlda qala turǵynyna pyshaq jaraqatyn salyp, ómirine qastandyq jasaǵan.
