– ەلشىلىك كۇشەيتىلگەن رەجيمدە جۇمىس ىستەپ جاتىر، ىستامبۇل مەن انتالياداعى كونسۋلدىقتار جۇمىس ىستەپ جاتىر. كەيىن قازاقستاننىڭ سىرتقى ىستەر مينيسترلىگى رەسمي تۇردە مالىمدەمە جاسايدى. قازاقستان بيلىگىنە تۇركياداعى جاعداي باياندالدى، پرەزيدەنت حاباردار بولدى، – دەپ حابارلادى سىرتقى ساياسي ۆەدومستۆونىڭ وكىلدەرى.
ديپلوماتتىڭ ايتۋىنشا، قازاقستان ەلشىلىگىنىڭ قىزمەتكەرلەرى تۇركيادا جۇرگەن قازاقستاندىق ازاماتتاردى ۇيدەن شىقپاۋىن ەسكەرتىپ جاتىر. «تۇركيادا جۇرگەندەرگە، بارلىق ستۋدەنتكە، جۇمىس ىستەيتىندەرگە ەسكەرتۋ جاساپ جاتىرمىز - بارلىعىنا حابارلايمىز، باقىلاۋدا ۇستايمىز. جاعىمسىز جاعدايعا ءتۇسىپ قالماۋى ءۇشىن ۇيدەن شىقپاۋىن ەسكەرتىپ جاتىرمىز»، – دەدى ەلشىلىك قىزمەتكەرى.
ەسكە سالايىق، 15 شىلدەدە تۇركيادا اسكەريلەر مەملەكەتتىك توڭكەرىلىس جاساۋعا ارەكەتتەندى. اتىستار تۋرالى ءبىرىنشى حابار استانا ۋاقىتى بويىنشا 01.00-دە جەتكەن. حالىقارالىق اگەنتتىكتەردىڭ مالىمەتىنشە، انكارادا اتىستار ەستىلگەن، قالا ۇستىندە جويعىش ۇشاقتار مەن تىكۇشاقتار ۇشىپ ءجۇر، ال ىستامبۇلداعى اۋەجايعا تانكتەر جەتكىزىلگەن. ەلدە مەملەكەتتىك تەلەارنارال حابار تاراتۋىن توقتاتتى. انكارادا Facebook جانە Twitter الەۋمەتتىك جەلىلەرى قۇلىپتالدى.
