ەكس-پرەزيدەنت نۇرسۇلتان نازاربايەۆتىڭ ورتانشى قىزى دينارا قۇلىبايەۆانىڭ شەتەلدەگى تاعى ءبىر قۇندى مۇلكى انىقتالدى، - دەپ حابارلايدى Dalanews.kz.
"ۆىحود ك موريۋ" ارناسىنىڭ دەرەكتەرىنە سۇيەنسەك، دينارا قۇلىبايەۆانىڭ فرانسۋز الپىسىندە قۇنى 15 ميلليارد تەڭگە تۇراتىن ءۇيى بار بولىپ شىققان.
"مەجيەۆ - فرانسيانىڭ وڭتۇستىك-شىعىسىنداعى، ءالپىنىڭ ەتەگىندەگى شاعىن قالا، وندا نەبارى 3 مىڭ ادام تۇرادى. بۇل ەلدىڭ ەڭ تانىمال قىسقى كۋرورتى سانالادى. بۇل جەر نۇرسۇلتان نازاربايەۆ ءبىلىم بەرۋ قورى ديرەكتورىنىڭ ءبىرىنشى ورىنباسارى سۆەتلانا مىرزابەكوۆانىڭ اكتيۆتەرى تۋرالى اقپاراتتاردان بەلگىلى. ونىڭ بۇل جەردە قۇنى 1،67 ميلليون ەۋرو تۇراتىن، ياعني Esكape Residence كەشەنىندە ءۇش بولمەلى پاتەرى بار. بۇعان جاقىن جەردە نۇرسۇلتان نازاربايەۆتىڭ ءبىلىم قورىنىڭ ديرەكتورى دينارا قۇلىبايەۆا مەن ونىڭ كۇيەۋى تيمۋر يەلىك ەتەتىن بەلريۆ قامالى ورنالاسقان"، - دەپ جازىلعان دەرەكتە.
"ۆىحود ك موريۋ" مالىمەتىنشە، بەلريۆ سارايىنىڭ تۇرعىندارى قىسقى سپورت تۇرلەرىن جاقسى كورەدى. بۇرىنعى پرەزيدەنت نازاربايەۆتىڭ ورتانشى قىزى دينارا قۇلىبايەۆانىڭ الپىدەگى رەزيدەنسياسى دا سول مەجيەۆ قالاسىندا ورنالاسقان.
"2016 جىلى دينارا ليۋكسەمبۋرگتىك Regulus Holdings SA كومپانياسى ارقىلى "المەكس" وتباسىلىق حولدينگىنىڭ بۇرىنعى توپ-مەنەدجەرى جانە SkyBridge Invest بروكەرلىك كومپانياسىنىڭ بۇرىنعى يەسى ءادىل ەسكەندىروۆپەن بىرگە فرانسيادا La Pomme D'or ("التىن الما") كومپانياسىن قۇردى. سونىمەن قاتار، ەسكەندىروۆ جاڭادان قۇرىلعان كومپانياداعى 50 مىڭ ەۋرو جارعىلىق كاپيتالدان تەك 100 ەۋرو ۇلەس الدى.
كومپانيانىڭ قۇجاتتارىنا سۇيەنسەك، 2017 جىلى Regulus Holdings SA ءوزىنىڭ يەلىگىندەگى كومپانيا ءۇشىن جىلدىق 2 پايىزبەن 22 ميلليون ەۋرو نەسيە جەلىسىن اشتى. بۇل اقشانى La Pomme D'or بىردەن دينارا قۇلىبايەۆاعا ارنالعان رەزيدەنسيانى ساتىپ الۋعا جۇمسادى"، - دەپ جازدى ارنا.
سونداي-اق، دەرەكتە بۇل ءۇي مەجيەۆتە Impasse des Pastoureaux، 171 مەكەن-جايىندا ورنالاسقانى ايتىلادى. رەزيدەنسياعا جەرگىلىكتى ستاندارتتار بويىنشا 64 cوتىق جەر ۋچاسكەسى، جابىق باسسەينى بار نەگىزگى ءۇي جانە قوسىمشا ءۇي كىرەدى.
"دينارا قۇلىبايەۆانىڭ رەزيدەنسياسى اينالاداعى ۇيلەردەن ايتارلىقتاي ەرەكشەلەنەدى. اگرەگاتورلاردىڭ مالىمەتتەرى بويىنشا 2016 جىلدان بەرى بۇل ايماقتاعى جىلجىمايتىن مۇلىك باعاسى ورتا ەسەپپەن 40 پايىزعا ءوستى، سوندىقتان دينارا قۇلىبايەۆانىڭ رەزيدەنسياسىنىڭ قازىرگى باعاسى ءقازىر 30 ميلليون ەۋرو (15 ميللارد تەڭگەگە جۋىق) بولۋى مۇمكىن"، - دەپ جازىلعان ارنا مالىمەتىندە.
