Eks-prezident Nursultan Nazarbaevtyń ortanshy qyzy Dinara Qulybaevanyń sheteldegi taǵy bir qundy múlki anyqtaldy, - dep habarlaidy Dalanews.kz.
"Vyhod k moriý" arnasynyń derekterine súiensek, Dinara Qulybaevanyń frantsýz Alpisinde quny 15 milliard teńge turatyn úii bar bolyp shyqqan.
"Mejev - Frantsiianyń ońtústik-shyǵysyndaǵy, Alpiniń etegindegi shaǵyn qala, onda nebári 3 myń adam turady. Bul eldiń eń tanymal qysqy kýrorty sanalady. Bul jer Nursultan Nazarbaev bilim berý qory direktorynyń birinshi orynbasary Svetlana Myrzabekovanyń aktivteri týraly aqparattardan belgili. Onyń bul jerde quny 1,67 million eýro turatyn, iaǵni Eskape Residence kesheninde úsh bólmeli páteri bar. Buǵan jaqyn jerde Nursultan Nazarbaevtyń bilim qorynyń direktory Dinara Qulybaeva men onyń kúieýi Timýr ielik etetin Belriv qamaly ornalasqan", - dep jazylǵan derekte.
"Vyhod k moriý" málimetinshe, Belriv saraiynyń turǵyndary qysqy sport túrlerin jaqsy kóredi. Burynǵy prezident Nazarbaevtyń ortanshy qyzy Dinara Qulybaevanyń Alpidegi rezidentsiiasy da sol Mejev qalasynda ornalasqan.
"2016 jyly Dinara liýksembýrgtik Regulus Holdings SA kompaniiasy arqyly "Almeks" otbasylyq holdinginiń burynǵy top-menedjeri jáne SkyBridge Invest brokerlik kompaniiasynyń burynǵy iesi Ádil Eskendirovpen birge Frantsiiada La Pomme D'or ("Altyn Alma") kompaniiasyn qurdy. Sonymen qatar, Eskendirov jańadan qurylǵan kompaniiadaǵy 50 myń eýro jarǵylyq kapitaldan tek 100 eýro úles aldy.
Kompaniianyń qujattaryna súiensek, 2017 jyly Regulus Holdings SA óziniń ieligindegi kompaniia úshin jyldyq 2 paiyzben 22 million eýro nesie jelisin ashty. Bul aqshany La Pomme D'or birden Dinara Qulybaevaǵa arnalǵan rezidentsiiany satyp alýǵa jumsady", - dep jazdy arna.
Sondai-aq, derekte bul úi Mejevte Impasse des Pastoureaux, 171 meken-jaiynda ornalasqany aitylady. Rezidentsiiaǵa jergilikti standarttar boiynsha 64 cotyq jer ýchaskesi, jabyq basseini bar negizgi úi jáne qosymsha úi kiredi.
"Dinara Qulybaevanyń rezidentsiiasy ainaladaǵy úilerden aitarlyqtai erekshelenedi. Agregatorlardyń málimetteri boiynsha 2016 jyldan beri bul aimaqtaǵy jyljymaityn múlik baǵasy orta eseppen 40 paiyzǵa ósti, sondyqtan Dinara Qulybaevanyń rezidentsiiasynyń qazirgi baǵasy qazir 30 million eýro (15 millard teńgege jýyq) bolýy múmkin", - dep jazylǵan arna málimetinde.
