ديماش ءۇشىنشى كەزەڭدە ءۇشىنشى ورىنعا تابان تىرەدى (ۆيدەو)

Dalanews 04 اقپ. 2017 16:21 413

ءانشى ديماش قۇدايبەرگەنوۆ قاتىسىپ جاتقان قىتايلىق حۋنان تەلەارناسىنىڭ «Singer2017» ءان بايقاۋى ءۇشىنشى كەزەڭى ەفيردە كورسەتىلدى. ءبىرىنشى جانە ەكىنشى كەزەڭنىڭ قورىتىندىسى بويىنشا وتانداسىمىز ءبىرىنشى ورىندى يەلەنسە، سينگاپۋرلىق تانىمال ءانشى جارىس جولىنان شىعىپ قالعان بولاتىن. جوبا تالاپتارىنا سايكەس ءۇشىنشى كەزەڭگە قىتايلىق جۇلدىز چجان سزە جانە چجاو لەي قوسىلدى. ءۇشىنشى كەزەڭدى ديماش ۇزدىك ۇشتىكپەن قورىتىندىلادى.

جەرلەسىمىز Queen توبىنىڭ رەپەرتۋارىنان «Show most go on» ءانىن شىرقادى. ال ەكىنشى كەزەڭدە جاقسى ونەر كورسەتكەن قىتايلىق ءانشى تان سزين بۇل كەزەڭدە باس جۇلدەنى جەڭىپ الدى.

ايتا كەتەرلىگى، تان سزين بەيجىڭ وليمپياداسىنىڭ اشىلۋ سالتاناتىندا ءان شىرقاعان.  ال، چجان سزە قىتايداعى سۋپەر جۇلدىزداردىڭ ءبىرى سانالادى. كوپتەگەن ءان بايقاۋىنىڭ جەڭىمپازى، سونداي - اق، وسى ۋاقىتقا دەيىن 12 دانا جەكە ءان البومى شىعارىلعان. ول – قىتايدان سىرت ەلدەردە جەكە كونسەرت بەرگەن ساناۋلى قىتايلىق ءانشىنىڭ ءبىرى. ءانشىنىڭ Sina Weibo (تۋيتتەردىڭ بالاماسى) ميكروبلوگىنا جازىلۋشىلاردىڭ سانى 41 ميلليونان اسىپ كەتكەن.

ال قىتايلارعا ەندى عانا تانىمال بولعان وتانداسىمىز ديماشتىڭ Sina Weibo ميكروبلوگىنا 1 ميلليون 450 مىڭ پايدالانۋشى تىركەلگەن.   ەسكە سالا كەتسەك، Singer 2017 بايقاۋىنىڭ ىرىكتەۋ كەزەڭى جالپى 5 بولىمنەن تۇرادى. ءار ءبولىم ەكى كەزەڭگە ءبولىنىپ، جالپى 10 ىرىكتەۋ كەزەڭى وتكىزىلەدى. ءار كەزەڭدە ءبىر قاتىسۋشى جارىس جولىنان شىعارىلىپ وتىرادى.

https://www.youtube.com/watch؟v=JY-E5f8QKUo

 

دەرەككوزى: inform.kz

ۇسىنىلعان
سوڭعى جاڭالىقتار