Dimash úshinshi kezeńde úshinshi orynǵa taban tiredi (video)
Jerlesimiz Queen tobynyń repertýarynan «Show most go on» ánin shyrqady. Al ekinshi kezeńde jaqsy óner kórsetken qytailyq ánshi Tan Tszin bul kezeńde bas júldeni jeńip aldy.
Aita keterligi, Tan Tszin Beijiń Olimpiadasynyń ashylý saltanatynda án shyrqaǵan. Al, Chjan Tsze Qytaidaǵy sýper juldyzdardyń biri sanalady. Kóptegen án baiqaýynyń jeńimpazy, sondai - aq, osy ýaqytqa deiin 12 dana jeke án albomy shyǵarylǵan. Ol – Qytaidan syrt elderde jeke kontsert bergen sanaýly qytailyq ánshiniń biri. Ánshiniń Sina Weibo (Týitterdiń balamasy) mikroblogyna jazylýshylardyń sany 41 millionan asyp ketken.
Al qytailarǵa endi ǵana tanymal bolǵan otandasymyz Dimashtyń Sina Weibo mikroblogyna 1 million 450 myń paidalanýshy tirkelgen. Eske sala ketsek, Singer 2017 baiqaýynyń irikteý kezeńi jalpy 5 bólimnen turady. Ár bólim eki kezeńge bólinip, jalpy 10 irikteý kezeńi ótkiziledi. Ár kezeńde bir qatysýshy jarys jolynan shyǵarylyp otyrady.
https://www.youtube.com/watch?v=JY-E5f8QKUo
Derekkózi: inform.kz
