ديماش قۇدايبەرگەن مىسىرداعى العاشقى جەكە كونسەرتىن وتكىزدى، دەپ حابارلايدى Dalanews.kz.
30 قاراشادا The Pyramids Echo اتتى العاشقى فەستيۆال اياسىندا ديماش قۇدايبەرگەن جەكە كونسەرتىن ۇسىندى.
بۇل - ديماشتىڭ افريكا قۇرلىعىنداعى مىسىر پيراميدالارىنىڭ ەتەگىندە العاشقى ونەر كورسەتۋى، سونىمەن قاتار، تمد ەلدەرىنەن شىققان ءارتىستىڭ العاش رەت ساحناعا شىعۋى.
اراب ءتۇنىنىڭ اۋەزىندە قازاقتىڭ حالىق اسپاپتارى ەرەكشە اسەرلى ەستىلگەن. Stranger، "اداي" كۇيى جانە "تاۋ ىشىندە"، "ءدۇرداراز"، Let it be سياقتى اندەر ءبىرتۇتاس تەرەڭ سيقىرعا اينالىپ، كورەرمەندەردى ءشول دالانىڭ اراسىمەن جەتەلەپ وتكەندەي اسەر بەرگەن.
