ديماش قۇدايبەرگەن بۇۇ-نىڭ كوشى-قون ءىسىنىڭ دۇنيەجۇزىلىك ىزگىلىك ەلشىسى بولىپ تاعايىندالدى، دەپ حابارلايدى Dalanews.kz
8 جەلتوقساندا جەنيەۆادا وتكەن جىل سايىنعى سەسسيا بارىسىندا بىرىككەن ۇلتتار ۇيىمىنىڭ حالىقارالىق كوشى-قون ۇيىمى (حكۇ) ديماش قۇدايبەرگەنگە جاھاندىق ىزگىلىك ەلشىسى مارتەبەسىن بەردى.
2024 جىلى ديماش حكۇ-نىڭ وڭىرلىك ىزگىلىك ەلشىسى بولىپ تاعايىندالعان ەدى. ول وزىنە تيەسىلى جاھاندىق پلاتفورما ارقىلى ميگرانتتاردىڭ ماسەلەلەرىنە قوعام نازارىن اۋدارىپ، ولاردىڭ ينتەگراسياسىنا جاردەمدەسىپ، سونداي-اق، قاراجات جيناۋ شارالارىنا قاتىسىپ، ۇيىمنىڭ جۇمىسىنا قولداۋ كورسەتىپ وتىردى.
