دٷنيەجٷزٸلٸك بانك الماتى وبلىسىنا ينۆەستيتسييا سالۋعا ەزٸر
رەسمي دەلەگاتسييانى جىلى قارسى العان اماندىق باتالوۆ ٶڭٸر ەكونوميكاسىنىڭ نەگٸزگٸ باعىتتارى تۋرالى قىسقاشا باياندادى.
– ەلٸمٸزدە ترانسۇلتتىق كومپانييانىڭ قاتىسۋىمەن 16 جوبا ٸسكە اسىرىلىپ جاتسا, سونىڭ 9-ى – بٸزدٸڭ الماتى وبلىسىندا. ٶڭٸر اگروٶنەركەسٸپتٸك سالادا, قانت قىزىلشاسى, سويا, جٷگەرٸ ٶسٸرۋدە كٶشباسشى سانالادى. اۋىل شارۋاشىلىعى ٶنٸمدەرٸن ٶڭدەۋدە ٸرگەلٸ جوبالار بار. بالامالى ەنەرگەتيكادا دا جەمٸستٸ جۇمىستار جاسالىپ جاتىر. بٸز سٸزدەرمەن وسى سالالاردا, سول سيياقتى تۋريزم, تۇرعىن ٷي-كوممۋنالدىق شارۋاشىلىق, سونىڭ ٸشٸندە گازداندىرۋ, كٶشەنٸ جارىقتاندىرۋ, كەرٸز جٷيەلەرٸن جاڭعىرتۋ, سونىمەن بٸرگە يرريگاتسييالىق جٷيەلەردٸ قالپىنا كەلتٸرۋ باعىتتارىندا ىنتىماقتاستىق ورناتۋعا پەيٸلمٸز. تالدىقورعاندا جەو سالۋ جوسپاردا بار. بۇل دا – ماڭىزدى ەرٸ قاجەتتٸ جوبا. الدا ناقتى باعىتىمىزدى بٸرلەسٸپ انىقتاپ, جەمٸستٸ ەڭبەك ەتۋگە سٸزدەردٸڭ دە, بٸزدٸڭ دە تەجٸريبەمٸز جەتەدٸ دەپ ويلايمىن, – دەدٸ اماندىق باتالوۆ.
ٶز كەزەگٸندە دٷنيەجٷزٸلٸك بانكتٸڭ قازاقستانداعى تۇراقتى ٶكٸلٸ جان-فرانسۋا مارتون جەتٸسۋلىقتاردىڭ جىلى قابىلداۋىنا ريزاشىلىعىن بٸلدٸرٸپ, دٷنيەجٷزٸلٸك بانكتٸڭ جۇمىس ەرەكشەلٸگٸنە, بانكتٸڭ قولداۋىمەن الماتى وبلىسىندا جٷزەگە اسىرىلىپ جاتقان جوبالارعا توقتالدى. سولاردىڭ اراسىندا «الماتى – قورعاس» جولىنىڭ ينفراقۇرىلىمدىق جوباسى, 2 مەكتەپ پەن بالاباقشانى قامتيتىن ەنەرگييا تيٸمدٸلٸگٸن ارتتىرۋ جوباسى, سول سيياقتى جاستاردى قوعامدىق ٶمٸرگە تارتۋعا, ولاردىڭ ٶمٸرلٸك ماشىقتارىن دامىتۋعا باعىتتالعان جاستار كورپۋسىنىڭ جوباسى بار.
ىنتىماقتاستىقتى ودان ەرٸ دامىتۋ ماقساتىندا جان-فرانسۋا مارتون بٸلٸم بەرۋ, تسيفرلاندىرۋ, جول ينفراقۇرىلىمى, يرريگاتسييا, ەلەۋمەتتٸك سالالاردا, ەسٸرەسە, مەملەكەتتٸك-جەكەمەنشٸك ەرٸپتەستٸك اياسىنداعى جوبالاردى قارجىلاندىرۋعا دايىن ەكەندٸكتەرٸن ايتتى.
– بٸز وبلىس اۋماعىندا ىنتىماقتاسۋعا قىزىعۋشىلىق بٸلدٸرٸپ وتىرمىز. بۇعان دەيٸن بٸز ەل ٷكٸمەتٸ ارقىلى عانا جۇمىس ٸستەدٸك. ەندٸ وبلىس باسشىلىقتارىمەن تٸكەلەي جۇمىس ٸستەۋ ٷشٸن بٸرقاتار قۇجاتتارعا ٶزگەرٸستەر ەنگٸزٸپ جاتىرمىز. بۇل باعىتتا الماتى وبلىسىنىڭ ەكٸمدٸگٸمەن بٸرلەسٸپ جۇمىس ٸستەۋگە نيەت بٸلدٸرٸپ وتىرمىز, – دەدٸ جان-فرانسۋا مارتون.
كەزدەسۋ بارىسىندا حالىقارالىق قارجى كورپوراتسيياسىنىڭ قازاقستانداعى كەڭسەسٸنٸڭ باسشىسى ەكاتەرينا بەندجامين دە ەرٸپتەستٸك بايلانىستارىن جانداندىرۋعا ىقىلاس بٸلدٸردٸ:
– بٸز وبلىستىڭ ەلەۋمەتتٸك-ەكونوميكالىق دامۋىنا وڭ ىقپال ەتەتٸن ۇزاق مەرزٸمدٸك جوبالاردى, سونىڭ ٸشٸندە قالدىقتاردى جويۋ جەنە يرريگاتسييا باعىتتارىنداعى جوبالاردى بٸرگە اتقارۋعا دايىنبىز, – دەپ اتاپ ٶتتٸ ول.
اماندىق باتالوۆ ەلەۋمەتتٸك ماڭىزدى جوبالاردى جٷزەگە اسىرۋعا ىقپال ەتەتٸن ەكٸ جاقتى ەرٸپتەستٸك بايلانىستاردىڭ ماڭىزدىلىعىن اتاپ ٶتتٸ.
– بٸزدٸڭ ىنتىماقتاستىعىمىزعا ودان ەرٸ سەرپٸن بەرەتٸن بٷگٸنگٸ كەزدەسۋگە كەلگەندەرٸڭٸزگە قۋانىشتىمىن. بۇل جٷزدەسۋدٸڭ ناقتى جەمٸسٸ كٶپ كٷتتٸرمەيدٸ دەپ ويلايمىن, – دەدٸ سٶزٸنٸڭ قورىتىندىسىندا وبلىس ەكٸمٸ.
اتاپ ٶتسەك, الماتى وبلىسىنىڭ 2021-2030 جىلدارعا ارنالعان ينۆەستيتسييالىق قورجىنىندا جالپى قۇنى 5,5 ملرد تەڭگە بولاتىن, 45 مىڭ جۇمىس ورنىن قۇراتىن 592 جوبا بار. سونىڭ ٸشٸندە قۇنى 112,8 ملرد. تەڭگەلٸك, 3500 جۇمىس ورنىن قۇراتىن 66 جوبا بيىلعى جىلى ٸسكە اسىرىلادى, 41 جوبا – اٶك سالاسىندا, 11 – ٶڭدەۋ ٶنەركەسٸبٸندە, 4 – جەك جەنە باسقا دا سالالاردا ٸسكە اسىرىلادى.
