Dúniejúzilik bank Almaty oblysyna investitsiia salýǵa ázir
Resmi delegatsiiany jyly qarsy alǵan Amandyq Batalov óńir ekonomikasynyń negizgi baǵyttary týraly qysqasha baiandady.
– Elimizde transulttyq kompaniianyń qatysýymen 16 joba iske asyrylyp jatsa, sonyń 9-y – bizdiń Almaty oblysynda. Óńir agroónerkásiptik salada, qant qyzylshasy, soia, júgeri ósirýde kóshbasshy sanalady. Aýyl sharýashylyǵy ónimderin óńdeýde irgeli jobalar bar. Balamaly energetikada da jemisti jumystar jasalyp jatyr. Biz sizdermen osy salalarda, sol siiaqty týrizm, turǵyn úi-kommýnaldyq sharýashylyq, sonyń ishinde gazdandyrý, kósheni jaryqtandyrý, káriz júielerin jańǵyrtý, sonymen birge irrigatsiialyq júielerdi qalpyna keltirý baǵyttarynda yntymaqtastyq ornatýǵa peiilmiz. Taldyqorǵanda JEO salý josparda bar. Bul da – mańyzdy ári qajetti joba. Alda naqty baǵytymyzdy birlesip anyqtap, jemisti eńbek etýge sizderdiń de, bizdiń de tájiribemiz jetedi dep oilaimyn, – dedi Amandyq Batalov.
Óz kezeginde Dúniejúzilik banktiń Qazaqstandaǵy turaqty ókili Jan-Fransýa Marton jetisýlyqtardyń jyly qabyldaýyna rizashylyǵyn bildirip, Dúniejúzilik banktiń jumys ereksheligine, banktiń qoldaýymen Almaty oblysynda júzege asyrylyp jatqan jobalarǵa toqtaldy. Solardyń arasynda «Almaty – Qorǵas» jolynyń infraqurylymdyq jobasy, 2 mektep pen balabaqshany qamtityn energiia tiimdiligin arttyrý jobasy, sol siiaqty jastardy qoǵamdyq ómirge tartýǵa, olardyń ómirlik mashyqtaryn damytýǵa baǵyttalǵan jastar korpýsynyń jobasy bar.
Yntymaqtastyqty odan ári damytý maqsatynda Jan-Fransýa Marton bilim berý, tsifrlandyrý, jol infraqurylymy, irrigatsiia, áleýmettik salalarda, ásirese, memlekettik-jekemenshik áriptestik aiasyndaǵy jobalardy qarjylandyrýǵa daiyn ekendikterin aitty.
– Biz oblys aýmaǵynda yntymaqtasýǵa qyzyǵýshylyq bildirip otyrmyz. Buǵan deiin biz el Úkimeti arqyly ǵana jumys istedik. Endi oblys basshylyqtarymen tikelei jumys isteý úshin birqatar qujattarǵa ózgerister engizip jatyrmyz. Bul baǵytta Almaty oblysynyń ákimdigimen birlesip jumys isteýge niet bildirip otyrmyz, – dedi Jan-Fransýa Marton.
Kezdesý barysynda Halyqaralyq qarjy korporatsiiasynyń Qazaqstandaǵy keńsesiniń basshysy Ekaterina Bendjamin de áriptestik bailanystaryn jandandyrýǵa yqylas bildirdi:
– Biz oblystyń áleýmettik-ekonomikalyq damýyna oń yqpal etetin uzaq merzimdik jobalardy, sonyń ishinde qaldyqtardy joiý jáne irrigatsiia baǵyttaryndaǵy jobalardy birge atqarýǵa daiynbyz, – dep atap ótti ol.
Amandyq Batalov áleýmettik mańyzdy jobalardy júzege asyrýǵa yqpal etetin eki jaqty áriptestik bailanystardyń mańyzdylyǵyn atap ótti.
– Bizdiń yntymaqtastyǵymyzǵa odan ári serpin beretin búgingi kezdesýge kelgenderińizge qýanyshtymyn. Bul júzdesýdiń naqty jemisi kóp kúttirmeidi dep oilaimyn, – dedi sóziniń qorytyndysynda oblys ákimi.
Atap ótsek, Almaty oblysynyń 2021-2030 jyldarǵa arnalǵan investitsiialyq qorjynynda jalpy quny 5,5 mlrd teńge bolatyn, 45 myń jumys ornyn quratyn 592 joba bar. Sonyń ishinde quny 112,8 mlrd. teńgelik, 3500 jumys ornyn quratyn 66 joba biylǵy jyly iske asyrylady, 41 joba – AÓK salasynda, 11 – óńdeý ónerkásibinde, 4 – JEK jáne basqa da salalarda iske asyrylady.
