"كەشە تۇندە قوردايداعى ما سان چي اۋىلىندا (دۇنعاندار قونىستانعان) ۇيلەر ورتەنىپ، دۇنيە-مۇلىك ءبۇلىندى. كەيبىرەۋلەر قوردايداعى جانجالدىڭ دۇنعان مەن پوليسەيدىڭ اراسىنداعى قاقتىعىستان باستالعانىن ايتۋدا. الايدا بۇل ەرەگەس جانجالدىڭ باسى ەمەس، جالعاسى بولعانى ەندىگى جەردە ناقتى انىقتالىپ وتىر.
"پوليسەيلەر وزدەرىنىڭ جاعاسىنان العان دۇنعانداردى قۇرىقتاماق بولعان دەگەن اقپارات بار. سەبەبى الگىلەر كولىك جولىندا قازاقتىڭ سەكسەننىڭ سەڭگىرىنە شىققان اقساقالى مەن ونىڭ ەكى بالاسىن ساباپ تاستاعان.
اقساقالدى بالتامەن، ونىڭ ۇلدارىن ارماتۋرامەن ۇرعان دەلىنەدى. ءقازىر ۇشەۋى دە اۋرۋحانادا جاتىر. مۇنىڭ ارتى ۇلكەن ۇلتارالىق جانجالعا ۇلاستى.
دۇنعاننىڭ جاپ-جاس جىگىتتەرى قازاق اقساقالىنا قالاي عانا قول كوتەردى؟ ۇلتارالىق ۇيىمشىلدىق دەگەن مەملەكەتتىك ماقتاۋلى ساياساتى قايدا؟ اسسامبلەيا دەپۋتاتتارى اي قاراپ وتىر ما؟ ولار وسى ەلدىڭ ءتىلىن دە بىلمەيدى، وسى تۇرىمەن پارلامەنتتە وتىر!
كۇنى كەشە بىرەۋلەر دومبىرامىزدى جەرگە ۇرعان ەدى، ولاردى كەشىرىم سۇراتتىرىپ بوساتا سالدى، ەندى بىرەۋلەر سەپاراتيزمنىڭ ۇرىعىن سەۋىپ ءجۇر، ولار دا جازالانعان جوق. بيلىك ارەكەت ەتپەسە، حالىق ءوزى قوزعالادى. ال حالىقتى توقتاتا المايسىزدار.
اقساقالعا قول كوتەرگەندەردى جانە پوليسيانىڭ جاعاسىنا جارماسقانداردى تەزدەتىپ انىقتاۋ كەرەك. بارلىق كىنا سولاردىڭ موينىندا. ال اسسامبلەيانى تاراتۋ قاجەت. بۇل ۇيىمنىڭ تۇككە كەرەگى جوق"، – دەيدى مۇحتار تايجان
ءوز كەزەگىندە اقپارات جانە قوعامدىق دامۋ ءمينيسترى داۋرەن ابايەۆ "اقساقالدى بالتامەن ۇرعان" دەگەن اقپاراتتى جوققا شىعاردى.
"بۇل اقپارات شىندىققا جاناسپايدى"، – دەدى مينيستر.
دەگەنمەن ابايەۆ قوردايداعى جانجالدىڭ تۇتانۋىنا ءدال وسى جاعدايدىڭ سەبەپشى بولۋى مۇمكىن ەكەنىن ايتتى
"ءيا، مۇنداي بولجام بار. بۇل تۇرمىستىق جانجال. ءدال ءقازىر مۇنى انىقتاۋ ۇستىندەمىز"، – دەدى ۆەدومستۆو باسشىسى.
ىشكى ىستەر ءمينيسترى ەرلان تۇرعىمبايەۆتىڭ مالىمەتىنشە قوردايداعى جانجالعا بارلىعى 300-گە تارتا ادام قاتىسقان، 40-تان اسا ادام جاراقات العان، 8 ادام قايتىس بولدى. ەكى پوليسەي وق جاراقاتىن الدى.
مەملەكەت باسشىسى قاسىم-جومارت توقايەۆ قوردايداعى داۋعا ارانداتۋشىلار ارالاسىپ، ونى ءوز پايداسىنا اسىرماق بولعان دەپ مالىمدەدى.
سۋرەتتەر مىنا سىلتەمەدەن الىندى:
https://www.facebook.com/permalink.php؟story_fbid=794901177680809&id=100014828018297
