Flydubai اۋە كومپانياسى دۋبايدان قازاقستانعا رەيستەردى باستايدى، دەپ حابارلايدى Dalanews.kz.
2026 جىلعى 3 ناۋرىزعا قاراعان ءتۇنى FZ1533 دۋباي – الماتى (170 ورىن) جانە FZ1395 دۋباي – استانا (170 ورىن) رەيستەرىنىڭ ۇشۋى جوسپارلانىپ وتىر.
ەسكە سالايىق، بۇعان دەيىن تاياۋ شىعىستاعى جاعدايعا بايلانىستى 4 مىڭنان استام قازاقستاندىق تۋريست شەتەلدە قالىپ قويعانى حابارلانعان بولاتىن.
تاياۋ شىعىستاعى احۋالعا بايلانىستى قازاقستاننان بارعان 4 مىڭنان استام تۋريست ءباا، كاتار جانە ساۋد ارابياسىندا قالىپ قويعان. بۇل تۋرالى «تۋريستىك قامقور» قورى مالىمدەدى.
قور وكىلدەرىنىڭ ايتۋىنشا، قازىرگى تاڭدا بارلىق تۋريستەردىڭ جاعدايى قالىپتى، قاۋىپسىزدىككە قاتىستى ماسەلە جوق.
بۇعان دەيىن قازاقستاننىڭ سىرتقى ىستەر مينيسترلىگى تاياۋ شىعىس ەلدەرىندە جۇرگەن ازاماتتار ءۇشىن جەدەل بايلانىس جەلىلەرىن ىسكە قوسقان ەدى. سونىمەن قاتار يران اۋماعىندا جۇرگەن قازاقستاندىقتاردى ءتورت ەل ارقىلى ەۆاكۋاسيالاۋ جوسپارلانىپ وتىرعانى حابارلانعان.
