Flydubai áýe kompanıasy Dýbaıdan Qazaqstanǵa reısterdi bastaıdy, dep habarlaıdy Dalanews.kz.
2026 jylǵy 3 naýryzǵa qaraǵan túni FZ1533 Dýbaı – Almaty (170 oryn) jáne FZ1395 Dýbaı – Astana (170 oryn) reısteriniń ushýy josparlanyp otyr.
Eske salaıyq, buǵan deıin Taıaý Shyǵystaǵy jaǵdaıǵa baılanysty 4 myńnan astam qazaqstandyq týrıs shetelde qalyp qoıǵany habarlanǵan bolatyn.
Taıaý Shyǵystaǵy ahýalǵa baılanysty Qazaqstannan barǵan 4 myńnan astam týrıs BAÁ, Katar jáne Saýd Arabıasynda qalyp qoıǵan. Bul týraly «Týrısik Qamqor» qory málimdedi.
Qor ókilderiniń aıtýynsha, qazirgi tańda barlyq týrıserdiń jaǵdaıy qalypty, qaýipsizdikke qatysty másele joq.
Buǵan deıin Qazaqstannyń Syrtqy ister mınıstrligi Taıaý Shyǵys elderinde júrgen azamattar úshin jedel baılanys jelilerin iske qosqan edi. Sonymen qatar Iran aýmaǵynda júrgen qazaqstandyqtardy tórt el arqyly evakýasıalaý josparlanyp otyrǵany habarlanǵan.
