دۋبايدا A Dubai Invite اتتى جاڭا باعدارلاما ٸسكە قوسىلدى. ونىڭ اياسىندا باە ازاماتتارى مەن رەزيدەنتتەرٸ شەتەلدەن دوستارى مەن تۋىستارىن شاقىرعانى ٷشٸن قۇنى 3 مىڭ ديرحامنان (شامامەن 380 مىڭ تەڭگە) اساتىن بونۋس پاكەتتەرٸنە يە بولادى. الايدا بۇل اقشالاي تٶلەم ەمەس, سەرٸكتەس كومپانييالار ۇسىناتىن جەڭٸلدٸكتەر, سەرتيفيكاتتار جەنە تٷرلٸ ارنايى ۇسىنىستار, دەپ حابارلايدى dalanews.kz.
باعدارلامانى دۋبايدىڭ ەكونوميكا جەنە تۋريزم دەپارتامەنتٸ (Dubai Department of Economy and Tourism, DET) تانىستىردى. جوبا دوستار مەن تۋىستارعا قوناققا بارۋعا نەگٸزدەلگەن VFR-تۋريزمدٸ (Visiting Friends and Relatives) دامىتۋعا باعىتتالعان.
ۆەدومستۆونىڭ مەلٸمەتٸنشە, باعدارلاما دۋباي تۇرعىندارى مەن ازاماتتارىنا شەتەلدە تۇراتىن دوستارى مەن تۋىستارىن شاقىرۋعا مٷمكٸندٸك بەرەدٸ. قوناقتىڭ ەميراتقا كەلگەنٸ راستالعاننان كەيٸن شاقىرۋشىعا DET ۇسىناتىن ارنايى بونۋس پاكەتٸ بەرٸلەدٸ.
سونىمەن قاتار, دەپارتامەنت A Dubai Invite باعدارلاماسى لوتەرەيا, بايقاۋ نەمەسە ۇتىس ويىنى ەمەس ەكەنٸن اتاپ ٶتتٸ. سونداي-اق باعدارلاما قوناقتاردىڭ ەۋە بيلەتتەرٸن, قوناقٷي شىعىندارىن نەمەسە ۆيزاسىن تٶلەۋدٸ قاراستىرمايدى.
باعدارلاماعا كٸمدەر قاتىسا الادى?
باعدارلاماعا 18 جاسقا تولعان, جارامدى Emirates ID قۇجاتى بار باە ازاماتتارى مەن رەزيدەنتتەرٸ قاتىسا الادى. ول ٷشٸن ارنايى ونلاين-فورما ارقىلى كەلەتٸن قوناقتاردىڭ دەرەكتەرٸن ولاردىڭ دۋبايعا كەلۋٸنە دەيٸن الدىن الا تٸركەۋ قاجەت.
شاقىرىلعان قوناقتار بٸرنەشە تالاپقا ساي بولۋى تيٸس. ولار باە رەزيدەنتٸ بولماۋى كەرەك جەنە 2026 جىلعى 20 شٸلدە مەن 31 قازان ارالىعىندا تۋريستٸك ۆيزامەن, ۆيزاسىز رەجيم ارقىلى نەمەسە ەلگە كەلگەن كەزدە رەسٸمدەلەتٸن ۆيزامەن دۋبايعا كٸرۋٸ قاجەت. ەميراتقا ۇشاقپەن, تەڭٸز نەمەسە قۇرلىق جولىمەن كەلۋگە بولادى.
DET باعدارلاما ۆيزانى رەسٸمدەۋدٸ قامتىمايتىنىن مەلٸمدەدٸ. سوندىقتان بارلىق قاجەتتٸ قۇجاتتاردى رەسٸمدەۋ مەن ساپار شىعىندارىن تۋريستەر ٶزدەرٸ كٶتەرەدٸ.
باعدارلاما قالاي جۇمىس ٸستەيدٸ?
قوناق دۋبايعا كەلگەننەن كەيٸن قاتىسۋشىلارعا ونىڭ كەلگەنٸ تۋرالى قوسىمشا حابارلاۋدىڭ قاجەتٸ جوق. بۇل اقپارات مەملەكەتتٸك جٷيەلەر ارقىلى اۆتوماتتى تٷردە راستالادى.
باعدارلاما شارتتارىنا سەيكەس, قوناقتاردىڭ كەلۋٸ راستالعاننان كەيٸن 72 ساعات ٸشٸندە قاتىسۋشىنىڭ ەلەكتروندىق پوشتاسىنا بونۋستاردى الۋ جٶنٸندەگٸ نۇسقاۋلىق جٸبەرٸلەدٸ. ال بونۋس پاكەتتەرٸن تاراتۋ 2026 جىلدىڭ تامىز ايىنان باستالادى.
بٸر ٶتٸنٸمدە بٸردەن بەس ادامعا دەيٸن تٸركەۋگە بولادى. ەگەر قوناقتار سانى ودان كٶپ بولسا, قوسىمشا ٶتٸنٸم جٸبەرۋگە مٷمكٸندٸك بار.
قانداي بونۋستار بەرٸلەدٸ?
ەربٸر بونۋس پاكەتٸنٸڭ قۇنى 3 مىڭ ديرحامنان اسادى. ونىڭ قۇرامىنا قوناقٷيلەر, مەيرامحانالار, تۋريستٸك نىساندار مەن تٷرلٸ سەرۆيستەردٸڭ ارنايى ۇسىنىستارى كٸرەدٸ.
باعدارلاما سەرٸكتەستەرٸنٸڭ قاتارىندا W Dubai Mina Seyahi, The Westin Dubai Mina Seyahi, Le Méridien Mina Seyahi Beach Resort & Waterpark, Meliá Desert Palm, IHG Hotels & Resorts, Careem جەنە Hala بار. ۇسىنىلعان بونۋستار, ەگەر جەكەلەگەن ۇسىنىستاردا باسقا مەرزٸم كٶرسەتٸلمەسە, 2026 جىلعى 31 جەلتوقسانعا دەيٸن جارامدى بولادى.
قانداي شەكتەۋلەر بار?
باعدارلامادا بٸرقاتار شەكتەۋلەر قاراستىرىلعان. بٸر تۇرعىن بٸر ۋاقىتتا ەڭ كٶبٸ بەس قوناقتى تٸركەي الادى. الايدا شاقىرىلعان ادامداردىڭ سانىنا قاراماستان, باعدارلاما كەزەڭٸندە بٸر قاتىسۋشىعا ەڭ كٶبٸ ٷش بونۋس پاكەتٸ عانا بەرٸلەدٸ.
سونداي-اق بٸر تۋريستٸ باعدارلاماعا تەك بٸر رەت تٸركەۋگە بولادى. ەگەر ونى باسقا قاتىسۋشى بۇرىن تٸركەگەن بولسا, قايتالانعان ٶتٸنٸم ەسەپكە الىنبايدى.
بۇدان بٶلەك, ٶتٸنٸمدە كٶرسەتٸلگەن توپتان كەمٸندە بٸر ادامنىڭ دۋبايعا كەلۋٸ قاتىسۋشىعا بونۋس الۋعا جەتكٸلٸكتٸ.
نەنٸ بٸلۋ ماڭىزدى?
DET ٶكٸلدەرٸ باعدارلاما ساپار شىعىندارىن ٶتەمەيتٸنٸن تاعى بٸر مەرتە ەسكە سالدى. ەۋە بيلەتتەرٸ, قوناقٷي, كٶلٸك, ۆيزا جەنە باسقا دا بارلىق شىعىنداردى تۋريستەر ٶزدەرٸ تٶلەيدٸ. سونداي-اق دەپارتامەنت ۆيزا بەرۋدەن نەمەسە ەلگە كٸرۋگە رۇقسات بەرۋدەن باس تارتىلعان جاعدايدا جاۋاپكەرشٸلٸك كٶتەرمەيدٸ.
سونىمەن قاتار, بونۋستار قولجەتٸمدٸلٸگٸنە قاراي ۇسىنىلادى جەنە ولاردىڭ قۇرامىنا سەرٸكتەس كومپانييالاردىڭ ۇسىنىستارى ەنگٸزٸلەدٸ. ۇيىمداستىرۋشىلار كەز كەلگەن ۋاقىتتا قولجەتٸمدٸ ۇسىنىستار تٸزٸمٸن, باعدارلاما شارتتارىن ٶزگەرتۋگە نەمەسە باعدارلامانى الدىن الا ەسكەرتۋسٸز توقتاتۋعا قۇقىلى.
