دەنساۋلىق ساقتاۋ مينيسترلٸگٸ مەكتەپ سٶمكەسٸن قالاي تاڭداۋ كەرەگٸن تٷسٸندٸردٸ, دەپ حابارلايدى dalanews.kz.
جاڭا وقۋ جىلى قارساڭىندا اتا-انالارعا مەكتەپ ريۋكزاگىنىڭ ٸشٸنە وقۋلىقتار, دەپتەرلەر جەنە باسقا دا وقۋ قۇرالدارى سالىنعاننان كەيٸن ونىڭ قانشالىقتى اۋىرلايتىنىن تەكسەرۋ ۇسىنىلادى. نەگٸزگٸ باعدار: تولىق جينالعان ريۋزاكتىڭ سالماعى بالانىڭ دەنە سالماعىنىڭ 10%-ىنان اسپاۋى تيٸس.
جاڭا وقۋ جىلى قارساڭىندا قازاقستان رەسپۋبليكاسى دەنساۋلىق ساقتاۋ مينيسترلٸگٸ اتا-انالارعا مەكتەپ ريۋزاگىن تاڭداۋ كەزٸندە نازار اۋدارۋى قاجەت نەگٸزگٸ تالاپتاردى ەسكە سالدى.
ريۋزاكتىڭ ەدەمٸ ديزاينى مەن سىيىمدىلىعى – جالعىز ٶلشەم ەمەس. ونىڭ جەڭٸل بولۋى, بالانىڭ بويىنا سەيكەس كەلۋٸ, ارقاسىنا ىڭعايلى ورنالاسۋى جەنە يىعىنا ارتىق سالماق تٷسٸرمەۋٸ ماڭىزدى.
مەكتەپ ريۋكزاگىنىڭ سالماعى قانشا بولۋى كەرەك?
قر دەنساۋلىق ساقتاۋ مينيسترٸنٸڭ № قر دسم-76 بۇيرىعىمەن بەلگٸلەنگەن تالاپتارعا سەيكەس, وقۋ قۇرالدارىنىڭ ۇسىنىلاتىن سالماعى وقۋشىنىڭ جاسىنا بايلانىستى:
- * 1–3 سىنىپ وقۋشىلارى ٷشٸن – 2 كەلٸگە دەيٸن;
- * 4–5 سىنىپ وقۋشىلارى ٷشٸن – 2,5 كەلٸگە دەيٸن;
- * 6–7 سىنىپ وقۋشىلارى ٷشٸن – 3,5 كەلٸگە دەيٸن;
- * 8–11 سىنىپ وقۋشىلارى ٷشٸن – 4,5 كەلٸگە دەيٸن.
بۇل نورمالار كٷندەلٸكتٸ وقۋ جيىنتىعىنىڭ سالماعىنا قاتىستى جەنە ريۋكزاگتىڭ ٶزٸنٸڭ سالماعىن قامتىمايدى. سونىمەن قاتار ماماندار وقۋلىقتار مەن وقۋ قۇرالدارىن قوسا ەسەپتەگەندەگٸ ريۋكزاكتىڭ جالپى سالماعى بالانىڭ دەنە سالماعىنىڭ 10%-ىنان اسپاۋىن ۇسىنادى.
مىسالى, وقۋشىنىڭ سالماعى 30 كيلوگرامم بولسا, تولىق جينالعان سٶمكەنٸڭ سالماعى 3 كيلوگرامنان اسپاعانى جٶن.
ساتىپ الۋ كەزٸندە نەگە نازار اۋدارۋ قاجەت?
ماماندار مەكتەپ ريۋكزاگىن بالامەن بٸرگە تاڭداۋعا كەڭەس بەرەدٸ. ساتىپ الماس بۇرىن ريۋكزاكتى بالانىڭ ارقاسىنا سالىپ كٶرٸپ, ونىڭ وقۋشىنىڭ بويىنا سەيكەس كەلەتٸنٸنە جەنە ارقاسىنا ىڭعايلى ورنالاساتىنىنا كٶز جەتكٸزگەن جٶن.
تاڭداۋ كەزٸندە مىناداي سيپاتتامالارعا نازار اۋدارۋ قاجەت:
- * جٷكتەمەنٸ بٸركەلكٸ بٶلۋگە مٷمكٸندٸك بەرەتٸن كەڭ ەرٸ جۇمساق يىقباۋلار;
- * ارقانىڭ دۇرىس ورنالاسۋىن قامتاماسىز ەتەتٸن تىعىز ارقا بٶلٸگٸ;
- * يىقباۋلاردىڭ ۇزىندىعىن رەتتەۋ مٷمكٸندٸگٸ;
- * جارىق شاعىلىستىراتىن ەلەمەنتتەردٸڭ بولۋى. ولار قاراڭعى ۋاقىتتا جٷرگٸزۋشٸلەر ٷشٸن بالانىڭ انىق كٶرٸنۋٸنە مٷمكٸندٸك بەرەدٸ;
- * بەرٸك ەرٸ سۋ ٶتكٸزبەيتٸن ماتەريال.
ريۋكزاكتىڭ ٶزٸنٸڭ سالماعىن دا ەسكەرگەن ماڭىزدى. ول نەعۇرلىم جەڭٸل بولسا, بالاعا تٷسەتٸن قوسىمشا جٷكتەمە دە سوعۇرلىم از بولادى. ماماندار بوس ريۋزاكتىڭ سالماعى 1 كيلوگرامنان اسپاۋىن ۇسىنادى. ريۋكزاك بالا ٷشٸن تىم ٷلكەن بولماۋى جەنە بەلدەن ايتارلىقتاي تٶمەن تٷسٸپ تۇرماۋى تيٸس.
ارتىق زاتتاردى ٷيدە قالدىرعان دۇرىس
تٸپتٸ ەڭ ىڭعايلى ريۋزاكتىڭ ٶزٸ بالا كٷن سايىن قاجەتسٸز زاتتاردى الىپ جٷرگەن جاعدايدا اۋىر بولۋى مٷمكٸن. اتا-انالارعا ريۋزاكتىڭ ٸشٸن مەزگٸل-مەزگٸل تەكسەرٸپ وتىرۋ ۇسىنىلادى. ساباقتا قاجەت بولمايتىن ويىنشىقتاردى, ارتىق دەپتەرلەردٸ, كٸتاپتاردى جەنە باسقا دا زاتتاردى ٷيدە قالدىرعان دۇرىس.
سونداي-اق بالانى ريۋزاكتى ەكٸ يىعىنا قاتار اسىپ جٷرۋگە ٷيرەتۋ ماڭىزدى. بۇل جٷكتەمەنٸڭ بٸركەلكٸ بٶلٸنۋٸنە مٷمكٸندٸك بەرەدٸ. ەگەر مەكتەپتە وسىنداي مٷمكٸندٸك قاراستىرىلعان بولسا, وقۋلىقتار مەن وقۋ قۇرالدارىنىڭ بٸر بٶلٸگٸن سىنىپتا قالدىرۋعا بولادى.
اتا-انالارعا ارنالعان قاراپايىم ەرەجە
مەكتەپكە شىعار الدىندا ريۋزاكتى تەكسەرۋگە بٸرنەشە مينۋت قانا جەتكٸلٸكتٸ: ارتىق زاتتاردى الىپ تاستاۋ, يىقباۋلارىن رەتتەۋ جەنە ونىڭ سالماعىن باعالاۋ قاجەت. نەگٸزگٸ قاعيدا قاراپايىم: بالا بويىنا سەيكەس كەلەتٸن ىڭعايلى ريۋكزاك, ارتىق زاتتاردىڭ بولماۋى جەنە ونىڭ سالماعى وقۋشىنىڭ دەنە سالماعىنىڭ 10%-ىنان اسپاۋى تيٸس. وسىنداي قاراپايىم كٷندەلٸكتٸ ەدەتتەر بالانىڭ وقۋ كٷندەرٸن جايلى ٶتكٸزۋٸنە جەنە ارقاسى مەن يىعىنا تٷسەتٸن ارتىق جٷكتەمەنٸ ازايتۋعا كٶمەكتەسەدٸ.
