الماتى قالاسى ەكٸمٸ ەربولات دوساەۆ مەدەۋ اۋدانى تۇرعىندارىمەن كەزدەسۋٸندە «سامال-2» شاعىن اۋدانىنىڭ تۇرعىنى سنەگين كٶشەسٸندە 15 جىلدان استام ۋاقىت بويى كٶپ دەڭگەيلٸ پاركينگ قاراۋسىز قالىپ, ول قاڭعىباس يتتەردٸڭ پانالايتىن جەرٸنە اينالعانىن ايتا كەلە, ەكٸمنەن قاراۋسىز قالعان قۇرىلىس نىسانىن بۇزۋدى نەمەسە قاندايدا بٸر كەدەگە جاراتۋدى سۇرادى.
– كٶتەرٸپ وتىرعان مەسەلەڭٸز ٶتە ورىندى. ەكٸمدٸك بۇل مەسەلەنٸ شەشۋ جولدارىن قاراستىرۋدا. ەستەرٸڭٸزدە بولسا, مەن قالادا كٶپ دەڭگەيلٸ پاركينگتەردٸ دامىتۋ بويىنشا تاپسىرما بەرگەن بولاتىنمىن.
بٷگٸندە وسى ٸس بويىنشا بٸرقاتار نىسانداردى ساتىپ الۋ ٷشٸن باعاسىن كەلسٸپ جاتىرمىز. اعىمداعى جىلى بٸزدە قارجىلىق مٷمكٸندٸكتەر بولمايدى. بٸراق 2024 جىلعا ارنالعان بيۋدجەتتٸ قالىپتاستىرۋ كەزٸندە مەن تۇرعىندارعا ىڭعايلى بولۋ ٷشٸن ولاردى كٶپدەڭگەيلٸ پاركينگتەرگە اينالدىرۋ ٷشٸن ساتىپ الۋعا نەمەسە قۇرىلىستى اياقتاۋعا بولاتىن بارلىق ورىنداردى قاراۋعا تيٸستٸ تاپسىرما بەردٸم.
«سامال» شاعىن اۋدانى بويىنشا قوسىمشا تاپسىرما بەرەمٸن. بۇل – جوبا قانشاعا باعالاناتىنىن كٶرەيٸك. سول جەردە ىڭعايلىق ەرٸ دۇرىس پاركينگ سالۋدى قاراستىرعان جٶن. سٸز دۇرىس بايقاعانسىز, ەسكٸ كٶپدەڭگەيلٸ پاركينگ بۇرىننان تۇر. بٸز ونى جاساي الامىز با ەلدە بۇزۋ كەرەك پە ونى ماماندارمەن انىقتاۋىمىز كەرەك, – دەپ ٶز ويىن ايتتى قالا ەكٸمٸ.
