بٷگٸن اقوردادا ٶتكەن جيىندا قاسىم-جومارت توقاەۆ قازاقستاندىق عالىمدارمەن كەزدەسٸپ, عىلىم سالاسىنداعى جەتٸستٸكتەر مەن ٶزەكتٸ مەسەلەلەرگە توقتالدى, دەپ حابارلايدى Dalanews.kz.
مەملەكەت باسشىسى كەزدەسۋدە قولدانبالى عىلىمدى دامىتۋ قازاقستان ٷشٸن اسا ماڭىزدى باعىتتاردىڭ بٸرٸ ەكەنٸن اتاپ ٶتتٸ. ونىڭ ايتۋىنشا, كەيٸنگٸ جىلدارى وسى سالاداعى جوبالاردىڭ سانى ارتىپ, بۇل وڭ ٷردٸس قالىپتاستىرعان.
پرەزيدەنت ەسٸرەسە جوعارى وقۋ ورىندارىنىڭ تەحنولوگييالىق دامۋ ورتالىقتارىنا اينالىپ كەلە جاتقانىن العا تارتتى. مىسال رەتٸندە ول بىلتىر University Medical Center قۇرامىنداعى جٷرەك ورتالىعى دەرٸگەرلەرٸنٸڭ ALEM (Astana Life Ex-situ Machine) اتتى يننوۆاتسييالىق قۇرىلعى ويلاپ تاپقانىن تٸلگە تيەك ەتتٸ.
“بۇل قۇرىلعى دونورلىق اعزالاردىڭ ٶمٸرشەڭدٸگٸن 24 ساعاتتان استام ۋاقىت ساقتاۋعا مٷمكٸندٸك بەرەدٸ. مۇنداي بٸرەگەي جاڭالىقتار وتاندىق عىلىمنىڭ ەلەۋەتٸ جوعارى ەكەنٸن كٶرسەتەدٸ», – دەدٸ قاسىم-جومارت توقاەۆ.
سونىمەن قاتار پرەزيدەنت عىلىم سالاسىندا شەشٸمٸن تاپپاعان مەسەلەلەر دە بار ەكەنٸن جاسىرمادى. ول بۇعان دەيٸن ەل-فارابي اتىنداعى قازاق ۇلتتىق ۋنيۆەرسيتەتٸ عالىمدارىمەن كەزدەسۋ بارىسىندا وسى مەسەلەلەردٸ كٶتەرگەنٸن ەسكە سالدى.
"عىلىمدى قارجىلاندىرۋ جٷيەسٸن رەتكە كەلتٸرٸپ, قاتاڭ باقىلاۋعا الۋ قاجەت. نەگٸزگٸ ماقسات – قارجىنى يگەرۋ ەمەس, قوعامعا ناقتى پايدا ەكەلەتٸن جوبالاردى جٷزەگە اسىرۋ", – دەپ تٷيٸندەدٸ مەملەكەت باسشىسى.
